На 31 Октомври 2019 година беше оддржана трибината “Нови начини на дијагностицирање на рак на дојка”. Трибината беше водена од Др. Надица Стојковска и беше реализирана во рамки на здраствената програма на ОЖО Свети Николе, како проектна активност од проектот “Заедно да го победиме ракот” финансиран од ЕЛС Свети Николе. На трибината се презентираа податоците од СЗО на светско ниво, фактори и ризици од заболување како и методите на лекување во постоперативниот период, се водеше дискусија за начини базирани на докази на медицината.

Организација на жените на Општина Свети Николе во рамките на иницијативата „Мрдни со Прст“ го објавува овој јавен повик за поддршка и спроведување на локални акции во Општина Свети Николе. Сите предложени акции треба да бидат насочени кон активности кои се фокусираат на решавање локални проблеми кои засегаат поголем број граѓани и групи. Акциите кои ќе бидат поддржани треба да се однесуваат на подобрување на животната средина, самоорганизирање и самозастапување пред локалните институции, креативност и проактивност, едукативни и хуманитарни кампањи, изготвување на акции за подобрување на животот во општината, како и други потреби кои граѓаните сметаат дека со нивно активно вклучување и граѓански ангажман ќе можат да донесат промени во животот на нивните сограѓани. Јавниот повик е активен во периодот од 01/02/2018 до 28/02/2018 година, а сите заинтересирани за начинот на аплицирање може да дознаат на следниот линк

Здружението Организација на жените на општина Свети Николе објавува ОГЛАС за едногодишен ангажман на 1 (едно) лице Планер Координатор/ка за Социјално претпријатие „Виктори Декорации“. Социјалното претпријатие „Виктори Декорации“ е производ на проектот и проектните активности од Smart Start–„Оддржливо влијание на граѓанските организации од Македонија, Босна и Херцеговина, Србија, Црна Гора и Турција, преку социјално претприемништво и социјални иновации“, кој во земјава се спроведува од Центарот за истражување и креирање политики (ЦИКП), а е поддржан од Европска Унија со 90% од финансирањето и градот Скопје
Вид на ангажман: Планер Координатор/ка е лице за развој на социјалното претпријатие Виктори декорации, изработка на декорации за детски родендени и прослави со изработени ракотворби од различни материјали, како и организирање на детски родендени и други детски прослави.
Цел на ангажманот: Ангажманот на Планер координатор/ка има за цел успешно, професионално, квалитетно и одговорно координирање и промовирање на социјалното претпријатие „Виктори декорации“.
Заинтересираните кандидати/ки потребно е да испратат мотивациско писмо, кратка биографија и препорака од невладина организација или фотографии од креативни изработки за пријава на огласот најдоцна до 18-ти јануари 2018 година, на е-маил womsvetinikole@yahoo.com со назнака „Пријава за оглас-Планер координатор“ или дирекно во канцеларијата на ОЖОСВН која се наоѓа на ул.Ленинова 1-1/4, 2220 Свети Николе, во затворен плик со назнака „Пријава за оглас-Планер координатор“.
Селектираните кандидати ќе бидат повикани на интервју веднаш наредниот ден односно на 19-ти Јануари 2018 година, а избраниот кандидат/ка ќе започне веднаш со пробен три месечен ангажман.

Во период од Јануари до Декември 2017 година, Организација на жените на општина Свети Николе го реализираше проектот „Заедно да го победиме ракот и придонесеме за поквалитетен живот на групата за самопомош" финансиски поддржан од Локалната самоуправа на општина Свети Николе.Цел на проектот беше зајакнување на самодовербата на жените од групата за самопомош за полесно надминување на последиците од болеста преку давање на соодветна стручна психосоцијална помош и поддршка и креативна исполнетост.Во текот на 2017 година, за поминати 11 месеци во рамките на проектот, се реализирани 18 работилници за групата за самопомош (жени заболени и лекувани од малигни заболувања) фасцилитирани од доктор, психолог и едукатор по животни вештини.

Зафирова-Стоиловска Маринела и Атанасов Александар, претставници од СОУ "Кочо Рацин" Свети Николе, во соработка со Организација на жените на општина Свети Николе во партнерство сo Советот за превенција на малолетничката деликвенција од Кавадарци, заедно со 25 преставници од Бугарија, Италија, Франција, Кипар, Македонија, Шпанија, Полска, Белгија, Чешка, Малта, Романија, Хрватска и Словенија од 06.11.2017-12.11.2017 учествуваа на тренинг курс во организација на Младински центар БИТ од Черномељ, Словенија. Тренинг курсот овозможи учесниците да се запознаат со програмата Erazmus+ и да стекнат вештини за пристапување и вклучување на младите во процесот на едукација, вработување и друг вид на обуки претставено преку „NEET people".

Во Чрномељ, Словенија од 9 до 16 октомври 2017 година, во организација на Младинскиот центар БИТ се одржа младинска размена во програмата Erazmus+ на која учествуваа младинци од Словенија, Македонија, Шпанија, Португалија, Хрватска и Полска. Волонтер на Организација на жените на општина Свети Николе заедно со млади од организацијата СППМД од Кавадарци учествуваа на оваа младинска размена во Словенија. Самиот наслов на размената „Урбана куќа“ кажува дека се работи за подигнување на урбанизација во руралните средини, па преку идеи и креативни работилници за рециклирање стари работи, искористување неискористени простори на тренингот се формираше урбана тераса, која преку идеите на учесниците на размената, преку нивно разработување во групи, тимскот дух, доби нов модерен изглед.

Со цел да се подигне свеста за водење здрав живот и употреба на велосипеди, како и да има каде да се парќираат велосипедите, ОЖОСВН во рамките на иницијативата „Мрдни со прст" во Свети Николе постави 5 паркинзи за велосипеди. Овие паркинзи се поставени во централното градско подрачје, односно два на влезот од градскиот пазар, еден во градскиот парк и два кај спортската сала „Цар Самоил". На 5ти Октомври, 15тина деца, членови на сообраќајната секција при ООУ „Гоце Делчев“ од Свети Николе направија дефиле со своите велосипеди и ги промовираа паркинзите за велосипеди. За време на дефилето на случајните минувачи им беа поделни информативни флаери кои содржеа факти за придобивките од често користење на велосипед и водење грижа за здрав живот.

Во рамките на кампањата „Мрдни со Прст“ десетина волонтери на ОЖОСВН делеа информативни флаери за подигање на свеста за грижа за животната средина, како и промотивни материјали за промоција на иницијативата „Мрдни со прст“ во Свети Николе. Со оваа активност допревме до повеќе од петстотини граѓани кои добија торбички, пенкала и информативни флаери. Во рамките на кампањата за децата и младите се организираше и награден литературен и ликовен конкурс, а се со цел уште од мала возраст да се работи на подигање на свеста кај младите за грижа за животната средина и сами да иницираат акции и активности за надминување на проблемите со кои се соочуваат во секојдневието. Конкурсот беше наменет за деца на возраст од 10 до 14 години и млади на возраст од 15 до 20 години. На наградниот конкурс со свои дела учествуваа вкупно 47 деца и млади, а истите ги оценуваа две посебни пет члени комисии, составени од наставници и професори по македонски јазик и ликовна уметност, претставници од ОЖОСВН, ИО „Гоце Делчев" и ДПД. Наградите се состоеа од училишни ранци, материјали и прибор, енциклопедии и др. во вредност од 3000, 2000 и 1000 денари за првите, вторите и третите места. Добитници на награди од литературниот и ликовниот конкурс на тема „ЈАС НЕ ЈА ЗАГАДУВАМ ПРИРОДАТА И СЕ ГРИЖАМ ЗА СВОЈОТ ГРАД" се:

На 22 јуни 2017година беа промовирани и наградени со грант за развој првите 10 социјални претприемачи во Македонија во рамки на проектот Smart Start - „Оддржливо влијание на граѓанските организации од Македонија, Босна и Херцеговина, Србија, Црна Гора и Турција преку социјално претприемништво и социјални иновации“, кој во земјава се спроведува од Центарот за истражување и креирање политики (ЦИКП), а е поддржан од Европска Унија со 90% од финансирањето и Градот Скопје. Покрај грантот за отпочнување на социјален бизнис, социјалните претприемачи се вклучија во менторска програма со корпоративниот сектор која ќе им обезбеди долгорочна поддршка и развој. Социјалното претприемништво е новата економска и општествена енергија. Позитивно движење кое ги интегрира невладиниот, владиниот и корпоративниот сектор. Идејата за развојот на социјалното претприемништво е поттикната од повеќе фактори: потребата за инклузија на сите општествени групи – вклучително и ранливите, позиционирање на бизнисите како носители на општествени, а не само економски чинители, диверзификацијата и глобализацијата како незапирливи глобални трендови и секако развојот на иновациите и технологијата. Развојот на социјалното претприемништво веќе гради позитивни практики во повеќе европски земји, а од неодамна преку Смарт Старт хабот на Центарот за истражување и креирање политики (ЦИКП) интензивно се развива и во Македонија.
Во рамките на ОЖОСВН во следниот период ќе започне со работа првото социјално претпријатие во Свети Николе - „Виктори декорации“ кое ќе нуди декорации за родендените и прославите на децата, а приходите ќе бидат наменети за континуирана работа на групата за самопомош на жени заболени и лекувани од малигни заболувања, давајќи им психосоцијална помош и поддршка, набавка на медицински помагала, градни протези, перики, турбани, како и финансиска поддршка за лекови и патни трошоци за терапии.

ОЖОСВН беше дел од Националниот форум на грантистите кои се дел од Цивика мобилитас програмата насловен како „Граѓаните за промени-Ден на граѓанските организации“, а се оддржа на 23 септември во Градскиот парк на „Школка“ во Скопје. Програмата се состоеше од повеќе од 30-тина настани кои се одвиваа паралелно, а беа надополнети и со настапи на повеќе музичари, меѓу кои хор Симбиосис, Шурбе, Џун, Концепт 59, РИБ и Тамара Тодевска. Официјално, форумот беше отворен во 13 часот од страна на нејзината екселенција Сибил Сутер Тејада – Амбасадорката на Швајцарија во Р.Македонија, а потоа се обратија и Питер Тоинес и Александар Кржаловски, кои се меѓународниот и националниот лидер на тимот на Цивика.

Иницијативата Мрдни со прст поттикна реализирање на 5 маалски акции во Свети Николе.Првата маалска акција беше чистење и разубавување на просторот пред една од зградите на улица Ударничка. На исчистениот простор соседите поставија бетонска подлога и мермерна маса со четири клупи и исфарбаа односно декорираа неколку стари автомобиски гуми со цел дополнително да го разубават просторот. Во оваа маалска акција се вклучија 20тина соседи, а свој придонес дадоа и вработените од комуналното претпријатие Комуналец.Втората маалска акција беше уредување на неискористен простор на улица Рахилка Гонева, пред стамбен простор 29 и 31. Откако се исчисти просторот на 15 квадартни метри се поставија бекатон плочки и мермерна маса со четири клупи. Фарбање на стари автомобилски гуми и креирање на разни украсни форми исто така беше дел од оваа маалска акција. Во оваа акција се вклучија 20тина соседи кои заеднички учествуваа во целиот процес, а помош имаа и од волонтерите од Доброволното Противпожарно Друштво...

Повеќе за овој напис

Со цел подигање на свеста за здрава животна средина на жителите на општина Свети Николе, во рамките на кампањата „Мрдни со Прст“ во Свети Николе се реализараа две еко-акции за чистење на излетничките места горно Ѓуриште, Бареш и Мавровица.Акциите беа спроведени во соработка со партнерските организации Извиднички одред „Гоце Делчев“ и Доброволното противпожарно друштво Свети Николе, како и со поддршка на Локалната Самоуправа, ЈКП Комуналец, општинските основни и средни училишта, МИК Свети Николе, како и општата популација. Првата еко акција која беше чистење на горно Ѓуриште и Бареш се реализираше на 16ти Септември, а во неа зедоа учество 120 граѓани. За време на оваа акција присутните се забавуваа со DJ MATS. Еко акцијата за чистење на Мавровица се реализираше на 11ти октомври, а на неа учествуваа 50тина граѓани.

Тема на конкурсот:„ЈАС НЕ ЈА ЗАГАДУВАМ ПРИРОДАТА И СЕ ГРИЖАМ ЗА СВОЈОТ ГРАД“   
Организација на жените на општина Свети Николе во рамките на Кампањата Мрдни со Прст објавува награден литературен и ликовен конкурс.На конкурсот со свои трудови и дела може да се пријават деца и млади од општина Свети Николе од две возрасни категории:

• деца од 10 до 14 годишна возраст и

• млади од 15 до 20 годишна возраст

За најдобрите литературни и ликовни творби се предвидуваат 12 награди.

Огласот ќе биде активен во периодот од 01/09/2017 до 22/09/2017 година.

Сите заинтересирани кои сакаат да аплицираат, тоа можат да го сторат со доставување на своите трудови и дела директно во канцеларијата на Организација на жените на општина Свети Николе (ул.Ленинова 1-1/4, во центарот на градот - жолтата зграда над бурекџилница Мартини-Алгомак) или преку нивните професори и наставници по македонски јазик и ликовно воспитување во училиштата од кои доаѓаат.

Институт за демократија „Социетас Цивилис“ (ИДСЦС) во соработка со Центарот за економски анализи (ЦЕА) во периодот јануари 2017 – декември 2019г. ќе анализираат како се спроведува процесот на проценка на влијание на регулативата (ПВР) при создавањето на законите и каква е можноста за граѓанските организации да се вклучат во создавањето на јавните политики во земјата, преку проектот „Проценка на влијанието на регулативата во сенка: Промовирање на креирање политики базирани на докази“ и е финансиски поддржан од Делагацијата на Европската Унија.Проектот „ПВР во сенка“, ќе придонесе за унапредување на доброто владеење преку вмрежување и градење на капацитети на граѓанските организации за следење и анализа на спроведувањето на ПВР. Целта на проектот е да се зголеми можноста за активно вклучување на граѓанските организации во ПВР процесот и во реформите на јавните политики преку вмрежување, инклузивни консултации и обуки.

„Мрдни со Прст" е кампања, платформа на организации и неформални групи кои на било каков начин придонесуваат за општото добро во нашето општество. Кампањата има за цел да ги повика граѓаните да размислат на каков начин самите можат да придонесат кон адресирање или решавање на проблемите со кои секојдневно се соочуваме.Преку Организација на жените на општина Свети Николе кампањата „Мрдни со Прст" стана присутна и во нашиот град. Во периодот од јули до октомври 2017 година, ОЖОСВН заедно со своите партнер организции Доброволно противпожарно друштво-ДПД и Извиднички Одред „Гоце Делчев" од Свети Николе, ќе реализираат повеќе од десетина акции на кои очекуваме да присуствуваат и вклучат многу локални организации, институции и граѓани.

Во соработка со СППМД од Кавадарци, четири волонтери и волонтерки од Организација на жените на општина Свети Николе од 25 јуни до 1 јули земаа учество на размената "Youth-led Activism/Changemakers" која ја реализира организацијата ТОКА од Приштина. На младинска размена во Приштина учествуваа 20 млади од Македонија, Шведска и Косово. Младите имаа работилници на различни теми како: загадување, дискриминација, човечки права и др. Младинскиот камп беше посетен од страна на неговата екселенција г-нот Хенрик Нилсон, Амбасадорот на Шведска во Косово. Амбасадорот заедно со учесниците на размената сподели свое лично искуство од неговиот граѓански ангажман и им порача да бидат толерантни еден кон друг и дека само така ќе може да ги надминат бариерите. Организацијата домаќин во склоп на своите проектни активности организира и посета на повеќе културно историски споменици во Приштина и околината.

Организација на жените на општина Свети Николе во соработка со Агенцијата за вработување на Р.Македонија, подрачна единица Центар за вработување – Свети Николе беше дел од имплементацијата на ИПА проектот ,,Поддршка за вработување на млади, долгорочно невработени и жени", финансиски поддржан од Европска Унија преку Оперативна програма за развој на човечки ресурси, компонента А. Практикантството како поддршка за вработување на млади лица до 29 години, во кој учествуваше ОЖОСВН, има за цел подобрување на перспективите за вработување на млади лица, притоа одразувајќи ги моменталните потреби на пазарот на труд, како и младите невработени лица до 29 години да се здобијат со прво работно искуство согласно нивното образование.Во периодот Април-Јуни 2017 година како практикантка во Организацијата беше вклучена Сања Малиновска од Свети Николе, која беше ангажирана како асистентка на ИТ администраторот

Во соработка со Советот за превенција против малолетничка деликвенција, СППМД од Кавадарци, Иво Митрушев и Сања Ваневска почнувајќи од јуни 2016 година до февруари 2017 година беа дел од EVS проектот „Be the part of BIT“ кој е активност во Ерзмус+, Европскиот волонтерски сервис, а се реализираше во Черномељ, Р.Словенија. Волонтерите кои беа вклучени како ЕVS зедоа активно учество во организирање на настани, хуманитарни концерти, фолклорни фестивали, детски фестивали, земаа учество на младински размени на различни теми, како: радикализам, спорт, историја итн. но и волонтираа во дом за стари лица и работа со деца во дом за лица со посебни потреби. Одличната соработка со Советот за превенција против малолетничка деликвенција, СППМД од Кавадарци донесе уште 2 ЕВС договори за наши членки. Емина Токовиќ и Мартина Богдановска волонтерки од ОЖОСВН зедоа учество во EVS програмата во проектот „Where Passion Ignites Inspiration" финансиски подржан од програмата Еразмус + на Советот на Европа во реализација на Bo drum Dance Club Association.

Во периодот од ноември 2016 до април 2017 година, Организација на жените на општина Свети Николе заедно со 35 претставници на различни локални чинители од Свети Николе (одделенијата на Локалната самоуправа, членови на општинските совети, претставници на владини институции, Центарот за социјална работа, образовни и академски институции, невладини организации, претставници на бизнис секторот, претставници на политички партии и др. субјекти) кои се дел од ЛАПСИ на општина Свети Николе, работеа на детектирање на проблеми кои ги засегаат младите и жените во општина Свети Николе и изнаоѓање решенија за нивно надминување. Резултат на работата на ЛАПСИ после три оддржани работилници во периодот декември 2016г. до март 2017 година изработена е тригодишна Локална стратегија за социјална инклузија на жените и младите во општина Свети Николе за периодот 2017-2020 и изработен годишен акционен план.

Кампањата „Информирај се СЕГА!" ја спроведуваат Коалиција СЕГА со Младинските Информативни и Советодавни Центри ИНФО СЕГА од Прилеп и Кавадарци во соработка со Агенција за млади и спорт. Кампањата се реализира во периодот од 01 септември 2016 до 31 мај 2017 година, а ОЖОСВН е локален партнер и реализира активности од кампањата на локално ниво. Националната кампања „Информирај се СЕГА!" се реализира во континуитет втора година и има за цел да им овозможи на младите луѓе безбедно да дојдат до квалитетни интернет информации кои им се потребни, како и да бидат целосно описменети како дигитални учесници во денешното информатичко општество, а преку активности за подигање на свест кај младите луѓе за важноста на е-информирањето, креирање и промовирање на мобилна Апликација за младинско информирање и формирање на мрежа за младинско информирање на национално ниво.

Организација на жените на општина Свети Николе во периодот март-мај 2017 година како партнер на Здружението за акција против насилство и трговија со луѓе, Ла Страда - Отворена порта од Скопје се вклучи во активности за промовирање, поддршка и спроведување на активности поврзани со поттикнување на борбата против трговија со луѓе. ОЖОСВН беше локален партнер и за таа цел во општина Свети Николе беа реализирани различни активности за активирање на младите светиниколчани во борбата против Трговија со луѓе. За таа цел се контактираше и се остварија средби со средните училишта и Славјанскиот универзитет од Свети Николе каде беше презентиран повикот за изработка на награден мултимедијален проект, мултимедијален производ на тема „Трговија со луѓе“ .

Во соработка со партнерски организации од Р.Македонија и европските земји, како и со институции, организации, фондации, волонтери, волонтерки и поддржувачи на ОЖОСВН, во изминатиот период беа вклучени во низа активности, работилници, конференции, тренинзи, активности како во програмата на Ерзмус+ и Европскиот волонтерски сервис, така и во други програми, партнерства и проекти.Во соработка со Советот за превенција против малолетничка деликвенција, СППМД од Кавадарци, Тодорче Мишев зеде учество на трениг курс на тема „Empower Zone Ahead“ кој се одржа од 17 до 24 Мај 2017 во организација на Qendra Mesdheu (Mediterranean University of Albania), во Драч Албанија. На тренингот учествуваа 38 млади од 12 европски држави. Целта на тренингот беше да се зајакнат капацитетите на учесниците преку неформално образование, се со цел да научат вештини за развивање на младите во општеството и преку овие вештини да се зголеми вработеноста на млади луѓе во нивните заедници.

Организација на жените на општина Свети Николе од 1 април 2017 година до 31 март 2018 година останува институционален грантист од првата генерација на добитници на Институционален грант за развој на својот капацитет како граѓанска организација од „Цивика Мобилитас“ програмата за поддршка на граѓанското општество, а во рамки на Швајцарската агенција за развој и соработка. Со тоа ОЖОСВН добива можност во следната година да ги унапреди своите институционални капацитети, знаења и вештини на своите членови во повеќе области кои се важни за нејзиното функционирање како современа граѓанска организација која ги следи во чекор поголемите, признати и препознаени организации, но и потребите, проблемите, идеите на своите конституенти.

Смарт Старт е регионален проект, финансиран од ЕУ – Програма за поддршка на граѓанското општество и медиумите 2014 – 2015 (поддршка за тематските регионални мрежи на организации на граѓанското општество). Овој проект се спроведува во земјите-кориснички на ИПА, во земјите од Западен Балкан и Турција, преку проектниот конзорциум: Центар за промоција на граѓанското општество – ЦПГО (Босна и Херцеговина), Центарот за истражување и креирање политики – ЦИКП (Македонија), Институтот за претприемништво и економски развој – ИПЕР (Црна Гора), Центар за развој на непрофитниот сектор (Србија) и YADA-фондацијата (Турција), со поддршка на КЕСИР ХР оd Хрватска.Општата цел на проектот е да се помогне во креирање на соодветна средина за социјално претприемништво на организациите од граѓанското општество (ГО) и да се подобри нивната одржливост, финансиска одржливост и социјално влијание во Босна и Херцеговина, Македонија, Црна Гора, Србија и Турција.

Во соработка со Советот за превенција против малолетничка деликвенција, СППМД од Кавадарци, Ангела Јанева, Мартин Николов, Драгана Монева, ученици од Гимазијата „Кочо Рацин“ Свети Николе, а воедно и волонтери во ОЖОСВН од 10ти до 24ти јануари 2017година зедоа учество на двенеделната младинска размена во организација на фондацијата Песталоци во Троген, Швајцарија, заедно со 40 ученици од разни градови од Р.Македонија и 40 ученици од цела Босна и Херцеговина. На размената учениците дискутираа, истражуваа и ги зголемија знаењата за темите: анти-дискриминација, миграција и разрешување конфликти. По враќањето од Троген на 9ти февруари учесниците на размената, во Гимназијата „Кочо Рацин“ во Свети Николе организираа работилница на тема Дискриминација, и на истата учество земаа 20 ученици на возраст од 15 до 17години.

Организација на жените на општина Свети Николе по втор пат оваа година ја реализира локалната кампања „31 ден – 31 жена, март –месецот на жената". Оваа година со кампањата беа опфатени жени од општина Свети Николе, првенки во своите професии и трасирање на патот за интегрирање и вклучување на жените во различни полиња од општествениот живот. Самата идеја беше поттикната и спроведена од страна на Рахела Симеонова Манева која повеќе од два месеци истражуваше и прибираше информации, податоци, фотографии за жените првенки, а се реализираше заедно со помош и подршка на тимот во ОЖОСВН ангажиран за реализација на институционалниот гранд од Цивика Мобилитас Програмата. Кампањата се одвиваше преку социјалните мрежи, односно Facebook страната на ОЖОСВН, каде 31 ден секојдневно се објавуваше по една жена првенка, со фотографија и нејзина биографија, односно информации прибрани од самите жени или блиски нивни роднини и пријатели. Кампањата наиде на многу позитивни коментари и критики од страна на целото локално население, па тоа беше и причина плус за да се организира изложба со фотографиите и биографиите на сите 31 жена. Изложбата беше организирана во соработка со Народен Музеј Свети Николе, а беше отворена на 12 април 2017 година, на тема „Жените од Свети Николе низ историјата", истата беше посветена на жената активистка и борец за женски права, покојната прва претседателка на ОЖОСВН, г-ѓа Вера Златева и секако, на триесет и една светиколчанка, првенки, кои зад себе оставиле значајни достигнувања во разни области. Со пригодна програма посветена на жените и говори на претседателката на ОЖОСВН - Даниела Панева и директорот на Н.Музеј – Александар Арсов, како и на Рахела С.М. и дел од присутните жени првенки, беше отворена првата изложба од ваков тип во општина Свети Николе, а Народниот Музеј беше премал за да ги собере сите заинтересирани посетители

Повеќе за овој напис

Втора година по ред, по иницијатива на младите членки и членови од Организацијата, кои заедно со членките на групата за самопомош реализираа неколку креативни работилници за изработка на Велигденски украси. Материјалите за изработките беа набавени со финансиска поддршка од институционалниот грант од Цивика Мобилитас Програмата и ЛС Свети Николе. На работилниците се изработија над 250 големи и мали корпи за јајца, од различни материјали и истите беа изложени и продавани на 13 април - Велики четврток во центарот на градот, пред канцеларијата на ОЖОСВН и малкуте изработки кои останаа од првиот ден беа дополнети со други изработки од групата за самопомош и продавани на 14 април – Велики Петок, пред црквата Св.Никола.

Проектот „Унапредување на социјалната вклученост преку ефективно искористување на ЕУ фондовите" се реализираше во периодот декември 2015 се до април 2017 година, а беше воден од Институтот за демократија „Социетас цивилис" од Скопје (ИДСЦС) во партнерство со ОЖОСВН и АДИ од Гостивар. Проектот беше финансиски поддржан од Европската комисија.Проектот имаше за цел да се зајакнат капацитетите на Заводот за социјални дејности, Центрите за социјална работа низ Р.Македонија и граѓанските организации кои работат на полето на социјалната заштита во развивање на Програми за социјална вклученост преку ефикасно користење на фондовите кои ги нуди Европска унија за претпристапните земји.

Локална самоуправа Свети Николе со средства од буџетот на општина Свети Николе, наменети за здруженија на граѓани и оваа година, финансиски ги поддржа проектните активности на ОЖОСВН наменети за групата за самопомош на жени заболени и лекувани од малигни заболувања од општина Свети Николе.Целта на проектните активности е зајакнување на самодовербата на жените од групата за самопомош и полесно надминување на траумите и последиците од болеста со која што се соочиле, преку давање стручна психосоцијална и здравствена помош и креативно исполнување на слободното време.

Волонтерите од Организација на жените на општина Свети Николе во месец декември 2016 година, реализираа креативни работилници за изработка на Новогодишни и Божиќни украси. Креативните изработки беа изложени и се продаваа за хуманитарни цели на Божиќниот Базар кој беше дел од Божиќниот фестивал во организација на Меѓународниот Славјански Универзитет „Г.Р.Державин“ реализиран во периодот од 27 до 29 декември 2016 година.

Во периодот Јули – Ноември 2016 година Организација на жените на општина Свети Николе го реализираше проектот „Изработка на стратегија за локален економски развој на општина Свети Николе" кој финансиски беше поддржан од Влада на Р.Македонија -Генерален секретаријат.
Целта на проектот беше изработка на стратегија за локален економски развој на општина Свети Николе која преку вклучување на сите чинители треба да придонесе за остварување на визијата на општината, остварување на стратешките цели, кои пак претставуваат мерки за идентификување и решавање на најгорливите проблеми со кои се соочува Општина Свети Николе. Со реализирањето на предвидените проектни активности и постигнатите резултати од истите се остварија поставените цели на проектот, се осознаа потребите на граѓаните и преку реалзирањето на стратегијата ќе се обезбеди конкурентност и ќе се подобрат економските резултати во сите сегменти на стопанството, отворање на нови фирми и производни капацитети, намалување на невработеноста, подигнување на животниот стандард, но и инфраструктура адаптирана на потребите на сите граѓани на општина Свети Николе.

 „Македонска активна платформа за социјална инклузија“ е проект финансиран од ИПА компонентата за развој на човечки ресурси, во реализација на Охрид Институт за економски стратегии и меѓународни односи–Скопје, партнерската организација Македонско женско лоби од Скопје 18 локални партнерски организации, меѓу кои и Организација на жените на општина Свети Николе.
Целта на проектот е да се создаде долгорочна платформа МАПСИ–Македонска активна платформа за социјална инклузија преку чија работа ќе се подобри статусот на ранливите групи поконкретно на жените и младите на локално ниво во 18 општини во Р.Македонија. Покрај националната платформа МАПСИ, ќе се формираат и 18 локални платформи за социјална инклузија-ЛАПСИ во секоја од општините дел од проектот, кои ќе се развиваат со заедничко делување на единиците на Локалната самоуправа, општинските совети, владините институции, невладините организации, бизнис секторот, центрите за социјална работа, образовни и академски институции и други релевантни чинители.

Две волонтерки од Организација на жените на општина Свети Николе, во соработка со СППМД од Кавадарци учествуваа на тренинг курс кој се реализираше во рамките на програмата Еразмус+ (финансирана од Европската Комисија). Тренинг курсот на тема „Младинска работа и волонтирање против радикализација“ се одржа во периодот од 8 до 15 ноември 2016 во Чрномељ, Р.Словенија и на него учествуваа 30 млади од Хрватска, Германија, Македонија, Италија, Полска, Португалија, Словенија, Шпанија, Бугарија, Грција и Велика Британија.

Проектот "Зајакнување на жените и девојчињата за зачувување на мирот и градење доверба˝ финасиски поддржан од Британската амбасада во Скопје е во реализација на Македонско женско лоби од Скопје во партнерство со 10 невладини организации од 10 општини од Р.Македонија, меѓу кои и ОЖОСВН. Во склоп на проектот се оддржаа две обуки за 20 претставници од 10 општини од Р.Македонија. Првата обука беше на тема "Јакнење на капацитетите на претсавниците на локалната самоуправа за имплементација на Резолуција 1325˝. Обуката имаше за цел да ги запознае учесниците со Резолуцијата 1325, Националниот акциски план за истата, како и со институционалните резултати и предизвици по однос на резолуцијата. Преку обуката учесниците се запознаа за важноста од применливоста на резолуцијата на локално ниво и да се сугерираат начини и предлози како наученото да се аплицира во локалните самоуправи.

Повеќе за овој напис

Организација на жените на општина Свети Николе во периодот октомври-декември беше дел од проектот „Чувар(к)и на јавно ќесе“, кој пак е дел од проектот „Промоција на родово одговорни политики во Југоисточна Европа и Молдавија“ на UN Women финансиран од Австриската развојна агенција и Швајцарската агенција за соработка. Проектот е предводен од Центарот за истражување и креирање политики-ЦИКП консалтинг од Скопје, а спроведен во соработка со уште 12 невладини организации кои ја сочинуваат неформалната мрежа – Чувар(к)и на јавно ќесе. Активностите во однос на селектираните учеснички во проектот започнаа прво со серија на неколку дневни обуки за зајакнување на капацитетите на учесници/чки кои понатаму дирекно имаа улога и учество во реализирањето на предвидените активности за мониторинг и анализа на локалните политики од аспект на родово одговорен буџет. Со тоа по завршувањето на обуките беа изработени вкупно 15 студии-родово одговорни анализи на општинските буџети на Аеродром, Битола, Боговиње, Град Скопје, Ѓорче Петров, Маврово-Ростуше, Свети Николе, Струмица, Тетово и Штип, а подготвени од страна на 12 организации кои се дел од неформалната мрежа „Чувар(к)и на јавно ќесе“.

Во рамките на проектот „Унапредување на социјалната вклученост преку ефективно искористување на ЕУ фондовите“ кој е во реализација на Институтот за демократија „Социетас цивилис“ од Скопје (ИДСЦС), Организација на жените на Општина Свети Николе (ОЖОСВН) и Асоцијацијата за демократски иницијативи (АДИ) од Гостивар, а финансиски поддржан од Европската комисија, во текот на ноември месец беа реализирани серија на обуки.Целта на проектот и воедно на овие обуки е да се зајакнат капацитетите на Заводот за социјални дејности, Центрите за социјална работа низ Р.Македонија и граѓанските организации кои работат на полето на социјалната заштита во развивање на Програми за социјална вклученост преку ефикасно користење на фондовите на Европска унија.

Во рамките на програмата Еразмус+ (финансирана од Европската Комисија) во една од клучните акции постои можноста за реализирање на контакт семинари, токму таков семинар се оддржа од 17 до 24 Октомври 2016 година во Задар, Хрватска. Целта на овој контакт семинар беше да се воспостави силна стратешка соработка во областа на социјалното претприемништво помеѓу партнер-организациите на овој проект од следните држави: Велика Британија, Македонија , Романија, Турција, Естонија, Словенија, Шпанија, Полска и на домакинот-Хрватска. Партнер организација од Македонија беше Организација на жените на општина Свети Николе, а истата на семинарот беше претставена од тројца претставници. Организатор на семинарот беше Carpe Diem од Карловац, здружение за потикнување и развој на креативни и социјални потенцијали на децата, младите и возрасните.

Организација на жените на општина Свети Николе на 18ти октомври 2016 година по 12ти пат се вклучи во одбележување на Европската ФАРЕ недела. По тој повод во соработка со основните училишта во општина Свети Николе се организира турнир во мал фудбал. На турнирот учествуваа екипи од тритте основни училишта од општина Свети Николе и тоа од ООУ„Гоце Делчев“, ООУ„Кирил и Методиј“ од Свети Николе и ООУ„Даме Груев“ од с.Ерџелија. Тимовите беа составени од ученици со различна национална, верска, полова и социјална припадност. Турнирот се одржа во спортската сала „Цар Самоил“ во Свети Николе и беше посетен од околу 100тина посетители. Турнирот за отворен го прогласи директорот на ООУ „Гоце Делчев“, а најдобрите и најуспешни учесници, Г-нот Гордан Здравков, македонската фудбалска легенда од Свети Николе им доделени дипломи и признанија. Победник на турнирот беше екипата од ООУ„Гоце Делчев“ од Свети Николе, второ место екипата од ООУ „Даме Груев“ с.Ерџелија и третто место екипата од ООУ„Кирил и Методиј“ од Свети Николе. На претставниците од училиштата и фудбалскиот клуб „Овче Поле“, ОЖОСВН им додели благодарници за соработка и придонес.

Повеќе за овој напис

На 7ми Октомври 2016 година, во организација на ЦИВИКА МОБИЛИТАС се одржа Регионален форум за источниот и југоисточниот регион под мотото „Вклучени сите, вклученост за сите!“. Учесниците на форумот ги поздрави Питер Тоинес – национален тим лидер на ЦИВИКА МОБИЛИТАС Програмата со пораката „Ништо за нас, без нас“. Форумот се одржа во Мултимедијалниот центар Канал 77, во Штип. Носечката тема на форумот беше социјалната инклузија, односно потребната соработка за социјална инклузија, за која учесниците на форумот разменија мислења, идеи, искуства и се предложија предлози за понатамошни заеднички акции на грантистите. Свои излагања на форумот имаа организации грантисти на Цивика: Планетум од Струмица, Кхам од Делчево, Избор од Струмица, Асоцијацијата за истражување, комуникација и развој Паблик од Скопје, кои споделија свои искуства на полето на социјалната инклузија и социјалното претприемништво.

Организација на жените на општина Свети Николе заедно со ООЦрвен Крст од Свети Николе, Локална самоуправа и други институции и организации од општина Свети Николе од првиот момент кога пристигна веста за невремето во Скопскиот регион ја покажаа својата хуманост на дело со волонтерски ангажман, со скромни донациии на вода, алишта и донирање на финансиски средства. Волонтерите и волонтерките на Организацијата секојдневно дежураа на пунктот поставен во центарот на градот на кој граѓаните и фирмите од Општина Свети Николе донираа вода, хигиенски средства, храна и финансиски средства. Грижата и добрата воља да се помогне во вакви моменти на настраданите семејства во поплавените подрачја ја покажа хуманата страна на членките и членовите во Организација на жените на општина Свети Николе. Во три дневната акција беа собрани и испратени 2 тони вода, 2 тони конзервирана храна, 500 килограми облека и над 100 килограми средства за дезинфекција, како и други средства за хигиена.  

Во период од 01.08-12.08.2016 во Париз-Франција, се оддржа младинска размена на тема Youth Exchange about discrimination. Проектот го реализира l’Auberge de Jeunesse Yves-Robert од Париз-Франција, а партнери се Le foyer des jeunes de Marolles - Белгија, Црвено дрво - Србија и Организација на жените на општина Свети Николе-Македонија. Од секоја организација учествуваа по 6 претставници на возраст до 25 години и по еден младински лидер. Фокусот на размената беше Дискриминацијата, а на работилниците беа опфатени теми за типови на дискриминација, ниво на застапеноста во секоја од земјите учеснички, иновативни алатки за подигање на свеста против секаква форма на дискриминација итн. Во работниот дел од размената се реализираше и посета на претставништвото на европскиот парламент во Париз. На посетата учесниците одблизу се запознаа со инстуциите на Европската Унија и се дискутираше за предизвиците со кои се соочува Европската Унија. Проектот имаше за цел да им овозможи на група млади луѓе да научат како да се соочат со дискриминацијата и да ја развијат способноста да одговорат на овие ситуации.

Повеќе за овој напис

Организација на жените на општина Свети Николе како институционален грантист од Цивика Мобилитас Програмата беше ко-организатор и логистичка поддршка при реализацијата на десетиот од програмата и вториот за оваа година, Регионален форум наменет за претставници од вардарски и североисточен плански регион на Македонија.  Целодневниот Форум се оддржа на 14 јули 2016 година во градската библиотека „Гоце Делчев“ при Домот на културата „Крсте П.Мисирков“ во Свети Николе, а на истиот учествуваа седумдесетина претставници на граѓански организации, општини, граѓани и други заинтересирани луѓе од двата региони.  Главниот фокус на форумот беа миграциите односно различните типови на внатрешни и надворешни миграции, обемот кој се повеќе го зафаќаат и што да направиме и како може да влијаеме на спречување и намалување на миграциите во Вардарскиот и Североисточниот плански регион на Македонија.  Форумот беше поделен во три работни дела, односно панел дискусија, работилница и меѓусебно запознавање, вмрежување и неформално дружење на учесниците.

Во периодот Јули – Ноември 2016 година Организација на жените на општина Свети Николе го реализира проектот „Изработка на стратегија за локален економски развој на општина Свети Николе" кој финансиски е поддржан од Влада на Р.Македонија -Генерален секретаријат. Целта на проектот е изработка на стратегија за локален економски развој на општина Свети Николе која преку вклучување на сите чинители треба да придонесе за остварување на визијата на општината, остварување на стратешките цели, кои пак претставуваат мерки за идентификување и решавање на најгорливите проблеми со кои се соочува Општина Свети Николе.

Волонтери и волонтерки од Организација на жените на општина Свети Николе по 11-ти пат се вклучија во одбележувањето на најголемата општествена кампања  и акција во спортот „Football People action week", кампања која ја слави моќта на фудбалот, ги зближува луѓето и се спротивставува  на социјалната исклученост и дискриминацијата. Во оваа акција се вклучени групи во заедницата, навивачи, професионални и аматерски клубови, национални ФАС и групи од граѓанското општество од 50 земји организирани во повеќе од 2000 активности за справување со дискриминацијата и славење на  различноста. Од 23-25 Октомври 2015 година во Свилајнац, Р.Србија се организира меѓународен младински турнир во мал фудбал „Be a pal, play futsal!" на кој учествуваа млади од Македонија, Србија, Босна и Херцеговина и Бугарија. Македонија ја преставуваа група млади волонтери и волонтерки од Организацијата на жените на општина Свети Николе.

Повеќе за овој напис

Организација на жените на општина Свети Николе во период од 3 месеци почнувајќи од 1 март до 31 мај 2014 година реализираше проектни активности од проектот „Убавите нешта се во мали пакувања – Запознај ја Македонија" финансиски поддржан од Генералниот секретаријат при Влада на Р.Македонија. Проектот се реализираше во партнерство и соработка со Македонско Културно Друштво „Охридски бисер" од Загреб, Р.Хрватска, Друштво за развој на доброволната работа од Ново Место, Р.Словенија и „Surplus onlus" Трст, Италија.Општа цел на проектот беше придонес кон промовирање на македонското културно и историско наследство во меѓународни рамки, а особено во државите Хрватска, Словенија и Италија. Во проектните активности учествуваа 7 млади од Свети Николе, Р.Македонија кои имаа за задача да се подготват и добро да ги презентираат убавините на Македонија надвор од нејзините граници.Со цел поголема и директна промоција на Р.Македонија, презентирање на македонското културно наследство, вкусната македонска храна и вино како и македонската музика, Организација на жените на општина Свети Николе реализираше седумдневен патувачки караван во Загреб - Хрватска, Ново Место - Словенија и Трст - Италија.

Две претставнички на Организацијата на жените на општина Свети Николе учествуваа на прекугранична конференција „Премостување на различностите" која се одржа од 04-06 Април 2014 година во хотел Плажа во Омиш, Хрватска. Конференцијата е организирана од Екуменска иницијатива жена од Омиш, Хрватска во партнерство со здружението Li Women од Ливно, Босна и Херцеговина. Проектот „Премошчивање различности" е финансиран од Европска Унија во рамките на ИПА програмата за прекугранична соработка помеѓу Хрватска и Босна и Херцеговина.

Во рамки на проектот проектот MY EUROPE кој е ко-финансиран од програмата Europe for Citizens , Коалиција на младински организации СЕГА и Организација на Жените на општина Свети Николе, во партнерство со Асоцијацијата на Локални Самоуправи од Малта и 14 останати партнер организации од Франција, Албанија, Бугарија, Италија и Малта од 9 до 11 Декември 2013 година , во хотел Порта во Скопје реализираа тродневна меѓународна конференција на тема “Учество на жената во политиката”

Општина Свети Николе како носител на активностите, Комисијата за еднакви можности за мажи и жени при Советот на општина Свети Николе и Организација на жените на општина Свети Николе како партнери, беа дел од кампањата “Месец на борба против ракот на дојка”
Во рамки на оваа кампања се организираа серија активности:
- Пунктови за донирање на финансиски средства од граѓани и институции од општина Свети Николе наменети за жените заболени од рак на дојка.Оваа акција ќе трае во текот на целата година а средствата ке се употребуваат за набавка на медицински помагала за заболените жени;

Секој 5-ти декември луѓето од цел свет без разлика на возраст раса и култура го слават волонтирањето, се потсетуваат на суштината на волонтерската работа и си оддаваат признанија.  Добитници на специјален сертификат за долгогодишен волонтерски ангажман, златен, сребрен, бронзен сертификат за Волонтерски ангажман за 2013 година се:
-Добитник на Специјален сертификат за долгогодишен волонтерски ангажман е Александар Богатинов од Свети Николе 
-Срџан Амет од Скопје  – добитник на Златен сертификат за волонтерски ангажман
-Игор Поповски и Филип Гагалов од Битола - добитници на Сребрен сертификат за волонтерски ангажман
-Светлана Сиљјаноска од Тетово и Гордана Лазаревска - Димитријевиќ од Битола -  добитници на Бронзен сертификат за волонтерски ангажман

Во периодот од 1 Јануари до 30 Јуни 2013 година Организација на жените на општина Свети Николе го реализираше проектот „Зголеми ги своите вредности – едуцирај се“ кој финансиски беше поддржан од Генералниот секретаријат при Влада на Р.Македонија. Проектот е во согласност со владините програми за зголемување на економскиот раст и конкурентноста на трајна основа, повисока стапка на вработеност, пораст на животниот стандард и квалитет на живеење преку спроведување на активни политики за вработување со кои се делува врз знаењето и квалификациите на понудата на работна сила.

Успешно заврши реализацијата на компјутерската обука (на младите невработени лица од Општина Свети Николе) од последните предвидени групи од проектот за бесплатна компјутерска едукација. Проектот е финансиски поддржан од Генералниот Секретаријат при Владата на Република Македонија, а реализиран од Организација на жените на Општина Свети Николе. Целта на проектот (кој се реализираше од 01 Април до 31 Декември 2011 година) беше обука на млади невработени лица за работа со компјутери и интернет комуникација. Преку проектните активности се поттикна и зголеми примената на ИКТ, користењето на интернетот и се помогна да се намали јазот меѓу оние кои имаат пристап до информации и знаат како да ги користат и оние што ја немаат таа можност.

Во рамките на проектот "Ние сме Европејци" од 15 Април до 8 Мај 2011 година нашите „амбасадори“ Александар Богатинов и Анета Спасеска успешно ја промовираа Македонија пред Европските граѓани во 20 Европски градови во 7 Европски држави (Австрија, Чешка, Франција, Германија, Италија, Холандија и Полска). Тие беа дел од тимовите вклучени во двете 17-дневни Евротури со по еден претставник од 6 земји од Југоисточна Европа (Македонија, Албанија, Босна и Херцеговина, Хрватска, Црна Гора и Србија) кои ги спроведоа промотивните активности во претходно споменатите 7 Европски држави. Проектот „Ние сме Европејци“ го реализира Полската Роберт Шуман Фондација во соработка со фондацијата Конрад Аденауер (со седиште во Варшава) и Фондацијата Роберт Шуман (со седиште во Париз) и е кофинансиран од Европската Унија. Станува збор за голем Европски проект во кој се вклучени 17 организации од земји од Европската Унија и 6 организации од земјите од Југоисточна Европа. Партнер на овој проект од Македонија е Организација на жените на Општина Свети Николе.

Организација на жените на општина Свети Николе во партнерство со Центар за развој и едукација од Свилајнац-Србија, Независно здружение на млади Лепоглава-Хрватска,Словенска Филантропија Љубљана-Словенија, Младински центар Херцег Нови-Црна Гора, Друштвото на Словенците во Р.Српска ,,Триглав,, Бања Лука-Босна и Херцеговина и Граѓаните во акција од Приштина-Косово го реализираа проектот “Различни бои една игра - со спорт против расизам и дискриминација 2 “, финансиски подржан од Европска Младинска Фондација при Советот на Европа. Цел на проектот е придонес во надминување на предрасудите и стереотипите на спортските терени.

Повеќе за овој напис