На приемот беа присутини долгогодишни соработници, партнери и пријатели на кои Отворена Порта им додели плакети. Организација на жените на општина Свети Николе е добитник на плакета за долгогодишна поддршка и разбирање во реализирањето на заедничките активности. На приемот беа доделени три награди за најдобра новинарска статија на тема „Трговија со луѓе‘‘ и три награди за најдобар мултимедијален продукт изработен од средношколци. Третата награда за мултимедијален продукт беше доделена на Влатко Спасев, ученик во СОУ „Кочо Рацин“ Свети Николе.

Во своето обраќање, тимот на Отворена порта вети дека и понатаму со своите соработници и партнери ќе продолжи да делува во градење на демократското општество, ќе настојува да ги почитува и промовира човековите права, да дејствува против повреда на достоинството на загрозените лица и да ја унапредува социјалната интеграција.