Во периодот Јули – Ноември 2016 година Организација на жените на општина Свети Николе го реализираше проектот „Изработка на стратегија за локален економски развој на општина Свети Николе" кој финансиски беше поддржан од Влада на Р.Македонија -Генерален секретаријат.
Целта на проектот беше изработка на стратегија за локален економски развој на општина Свети Николе која преку вклучување на сите чинители треба да придонесе за остварување на визијата на општината, остварување на стратешките цели, кои пак претставуваат мерки за идентификување и решавање на најгорливите проблеми со кои се соочува Општина Свети Николе. Со реализирањето на предвидените проектни активности и постигнатите резултати од истите се остварија поставените цели на проектот, се осознаа потребите на граѓаните и преку реалзирањето на стратегијата ќе се обезбеди конкурентност и ќе се подобрат економските резултати во сите сегменти на стопанството, отворање на нови фирми и производни капацитети, намалување на невработеноста, подигнување на животниот стандард, но и инфраструктура адаптирана на потребите на сите граѓани на општина Свети Николе.

 „Македонска активна платформа за социјална инклузија“ е проект финансиран од ИПА компонентата за развој на човечки ресурси, во реализација на Охрид Институт за економски стратегии и меѓународни односи–Скопје, партнерската организација Македонско женско лоби од Скопје 18 локални партнерски организации, меѓу кои и Организација на жените на општина Свети Николе.
Целта на проектот е да се создаде долгорочна платформа МАПСИ–Македонска активна платформа за социјална инклузија преку чија работа ќе се подобри статусот на ранливите групи поконкретно на жените и младите на локално ниво во 18 општини во Р.Македонија. Покрај националната платформа МАПСИ, ќе се формираат и 18 локални платформи за социјална инклузија-ЛАПСИ во секоја од општините дел од проектот, кои ќе се развиваат со заедничко делување на единиците на Локалната самоуправа, општинските совети, владините институции, невладините организации, бизнис секторот, центрите за социјална работа, образовни и академски институции и други релевантни чинители.

Две волонтерки од Организација на жените на општина Свети Николе, во соработка со СППМД од Кавадарци учествуваа на тренинг курс кој се реализираше во рамките на програмата Еразмус+ (финансирана од Европската Комисија). Тренинг курсот на тема „Младинска работа и волонтирање против радикализација“ се одржа во периодот од 8 до 15 ноември 2016 во Чрномељ, Р.Словенија и на него учествуваа 30 млади од Хрватска, Германија, Македонија, Италија, Полска, Португалија, Словенија, Шпанија, Бугарија, Грција и Велика Британија.

Проектот "Зајакнување на жените и девојчињата за зачувување на мирот и градење доверба˝ финасиски поддржан од Британската амбасада во Скопје е во реализација на Македонско женско лоби од Скопје во партнерство со 10 невладини организации од 10 општини од Р.Македонија, меѓу кои и ОЖОСВН. Во склоп на проектот се оддржаа две обуки за 20 претставници од 10 општини од Р.Македонија. Првата обука беше на тема "Јакнење на капацитетите на претсавниците на локалната самоуправа за имплементација на Резолуција 1325˝. Обуката имаше за цел да ги запознае учесниците со Резолуцијата 1325, Националниот акциски план за истата, како и со институционалните резултати и предизвици по однос на резолуцијата. Преку обуката учесниците се запознаа за важноста од применливоста на резолуцијата на локално ниво и да се сугерираат начини и предлози како наученото да се аплицира во локалните самоуправи.

Повеќе за овој напис

Организација на жените на општина Свети Николе во периодот октомври-декември беше дел од проектот „Чувар(к)и на јавно ќесе“, кој пак е дел од проектот „Промоција на родово одговорни политики во Југоисточна Европа и Молдавија“ на UN Women финансиран од Австриската развојна агенција и Швајцарската агенција за соработка. Проектот е предводен од Центарот за истражување и креирање политики-ЦИКП консалтинг од Скопје, а спроведен во соработка со уште 12 невладини организации кои ја сочинуваат неформалната мрежа – Чувар(к)и на јавно ќесе. Активностите во однос на селектираните учеснички во проектот започнаа прво со серија на неколку дневни обуки за зајакнување на капацитетите на учесници/чки кои понатаму дирекно имаа улога и учество во реализирањето на предвидените активности за мониторинг и анализа на локалните политики од аспект на родово одговорен буџет. Со тоа по завршувањето на обуките беа изработени вкупно 15 студии-родово одговорни анализи на општинските буџети на Аеродром, Битола, Боговиње, Град Скопје, Ѓорче Петров, Маврово-Ростуше, Свети Николе, Струмица, Тетово и Штип, а подготвени од страна на 12 организации кои се дел од неформалната мрежа „Чувар(к)и на јавно ќесе“.

Во рамките на проектот „Унапредување на социјалната вклученост преку ефективно искористување на ЕУ фондовите“ кој е во реализација на Институтот за демократија „Социетас цивилис“ од Скопје (ИДСЦС), Организација на жените на Општина Свети Николе (ОЖОСВН) и Асоцијацијата за демократски иницијативи (АДИ) од Гостивар, а финансиски поддржан од Европската комисија, во текот на ноември месец беа реализирани серија на обуки.Целта на проектот и воедно на овие обуки е да се зајакнат капацитетите на Заводот за социјални дејности, Центрите за социјална работа низ Р.Македонија и граѓанските организации кои работат на полето на социјалната заштита во развивање на Програми за социјална вклученост преку ефикасно користење на фондовите на Европска унија.

Во рамките на програмата Еразмус+ (финансирана од Европската Комисија) во една од клучните акции постои можноста за реализирање на контакт семинари, токму таков семинар се оддржа од 17 до 24 Октомври 2016 година во Задар, Хрватска. Целта на овој контакт семинар беше да се воспостави силна стратешка соработка во областа на социјалното претприемништво помеѓу партнер-организациите на овој проект од следните држави: Велика Британија, Македонија , Романија, Турција, Естонија, Словенија, Шпанија, Полска и на домакинот-Хрватска. Партнер организација од Македонија беше Организација на жените на општина Свети Николе, а истата на семинарот беше претставена од тројца претставници. Организатор на семинарот беше Carpe Diem од Карловац, здружение за потикнување и развој на креативни и социјални потенцијали на децата, младите и возрасните.

Организација на жените на општина Свети Николе на 18ти октомври 2016 година по 12ти пат се вклучи во одбележување на Европската ФАРЕ недела. По тој повод во соработка со основните училишта во општина Свети Николе се организира турнир во мал фудбал. На турнирот учествуваа екипи од тритте основни училишта од општина Свети Николе и тоа од ООУ„Гоце Делчев“, ООУ„Кирил и Методиј“ од Свети Николе и ООУ„Даме Груев“ од с.Ерџелија. Тимовите беа составени од ученици со различна национална, верска, полова и социјална припадност. Турнирот се одржа во спортската сала „Цар Самоил“ во Свети Николе и беше посетен од околу 100тина посетители. Турнирот за отворен го прогласи директорот на ООУ „Гоце Делчев“, а најдобрите и најуспешни учесници, Г-нот Гордан Здравков, македонската фудбалска легенда од Свети Николе им доделени дипломи и признанија. Победник на турнирот беше екипата од ООУ„Гоце Делчев“ од Свети Николе, второ место екипата од ООУ „Даме Груев“ с.Ерџелија и третто место екипата од ООУ„Кирил и Методиј“ од Свети Николе. На претставниците од училиштата и фудбалскиот клуб „Овче Поле“, ОЖОСВН им додели благодарници за соработка и придонес.

Повеќе за овој напис

На 7ми Октомври 2016 година, во организација на ЦИВИКА МОБИЛИТАС се одржа Регионален форум за источниот и југоисточниот регион под мотото „Вклучени сите, вклученост за сите!“. Учесниците на форумот ги поздрави Питер Тоинес – национален тим лидер на ЦИВИКА МОБИЛИТАС Програмата со пораката „Ништо за нас, без нас“. Форумот се одржа во Мултимедијалниот центар Канал 77, во Штип. Носечката тема на форумот беше социјалната инклузија, односно потребната соработка за социјална инклузија, за која учесниците на форумот разменија мислења, идеи, искуства и се предложија предлози за понатамошни заеднички акции на грантистите. Свои излагања на форумот имаа организации грантисти на Цивика: Планетум од Струмица, Кхам од Делчево, Избор од Струмица, Асоцијацијата за истражување, комуникација и развој Паблик од Скопје, кои споделија свои искуства на полето на социјалната инклузија и социјалното претприемништво.

Организација на жените на општина Свети Николе заедно со ООЦрвен Крст од Свети Николе, Локална самоуправа и други институции и организации од општина Свети Николе од првиот момент кога пристигна веста за невремето во Скопскиот регион ја покажаа својата хуманост на дело со волонтерски ангажман, со скромни донациии на вода, алишта и донирање на финансиски средства. Волонтерите и волонтерките на Организацијата секојдневно дежураа на пунктот поставен во центарот на градот на кој граѓаните и фирмите од Општина Свети Николе донираа вода, хигиенски средства, храна и финансиски средства. Грижата и добрата воља да се помогне во вакви моменти на настраданите семејства во поплавените подрачја ја покажа хуманата страна на членките и членовите во Организација на жените на општина Свети Николе. Во три дневната акција беа собрани и испратени 2 тони вода, 2 тони конзервирана храна, 500 килограми облека и над 100 килограми средства за дезинфекција, како и други средства за хигиена.  

Во период од 01.08-12.08.2016 во Париз-Франција, се оддржа младинска размена на тема Youth Exchange about discrimination. Проектот го реализира l’Auberge de Jeunesse Yves-Robert од Париз-Франција, а партнери се Le foyer des jeunes de Marolles - Белгија, Црвено дрво - Србија и Организација на жените на општина Свети Николе-Македонија. Од секоја организација учествуваа по 6 претставници на возраст до 25 години и по еден младински лидер. Фокусот на размената беше Дискриминацијата, а на работилниците беа опфатени теми за типови на дискриминација, ниво на застапеноста во секоја од земјите учеснички, иновативни алатки за подигање на свеста против секаква форма на дискриминација итн. Во работниот дел од размената се реализираше и посета на претставништвото на европскиот парламент во Париз. На посетата учесниците одблизу се запознаа со инстуциите на Европската Унија и се дискутираше за предизвиците со кои се соочува Европската Унија. Проектот имаше за цел да им овозможи на група млади луѓе да научат како да се соочат со дискриминацијата и да ја развијат способноста да одговорат на овие ситуации.

Повеќе за овој напис

Организација на жените на општина Свети Николе како институционален грантист од Цивика Мобилитас Програмата беше ко-организатор и логистичка поддршка при реализацијата на десетиот од програмата и вториот за оваа година, Регионален форум наменет за претставници од вардарски и североисточен плански регион на Македонија.  Целодневниот Форум се оддржа на 14 јули 2016 година во градската библиотека „Гоце Делчев“ при Домот на културата „Крсте П.Мисирков“ во Свети Николе, а на истиот учествуваа седумдесетина претставници на граѓански организации, општини, граѓани и други заинтересирани луѓе од двата региони.  Главниот фокус на форумот беа миграциите односно различните типови на внатрешни и надворешни миграции, обемот кој се повеќе го зафаќаат и што да направиме и како може да влијаеме на спречување и намалување на миграциите во Вардарскиот и Североисточниот плански регион на Македонија.  Форумот беше поделен во три работни дела, односно панел дискусија, работилница и меѓусебно запознавање, вмрежување и неформално дружење на учесниците.

Во периодот Јули – Ноември 2016 година Организација на жените на општина Свети Николе го реализира проектот „Изработка на стратегија за локален економски развој на општина Свети Николе" кој финансиски е поддржан од Влада на Р.Македонија -Генерален секретаријат. Целта на проектот е изработка на стратегија за локален економски развој на општина Свети Николе која преку вклучување на сите чинители треба да придонесе за остварување на визијата на општината, остварување на стратешките цели, кои пак претставуваат мерки за идентификување и решавање на најгорливите проблеми со кои се соочува Општина Свети Николе.

Организација на жените на Општина Свети Николе со свој преставник учествуваше на Годишното собрание на Коалиција на младински организации СЕГА кој се оддржа на 30 Јуни во Скопје. На Собранието беше донесена одлука за изменување и дополнување на Статутот и за проширување на дејноста на СЕГА. На Собранието организациите членки на СЕГА го ревидираа своето членство, беа разгледани и усвоени програмскиот и финансискиот извештај од работата на Коалицијата во 2015 година и беше усвоена и Годишната програма за работа за 2016 година. На Собранието се избраа нови членови на Управниот Одбор и се изврши реизбор на членовите на Надзорниот Одбор. На Организација на жените на општина Свети Николе и беше доделен Сертификат за членство од страна на Коалицијата за 8 години активно учество во креирањето на младинските политики во Р. Македонија.
 

Организација на жените на општина Свети Николе во континуитет работи на зајакнување на капацитетите на своите членови и поддржувачи вклучувајќи ги во низа настани, активности, работилници на Организацијата и во соработка со повеќе партнерски организации од Македонија и од странство. Во соработка со Совет за превенција против малолетничка деликвенција, СППМД од Кавадарци, две волонтерки од Организацијата од 17 Април до 01 Јуни 2016 година како EVS вонтерки се вклучија во подготовка, промоција и организација на 17-сетиот Интернационален Бодрумски фестивал на танци 2016, кој се одржи од 24 до 29 Мај во Бодрум, Р.Турција. Проектот „Where Passion Ignites Inspiration“ финансиски поддржан од програмата Еразмус+ се реализира од страна на Турската организација „Bodrum Dance Club Association“.

На 18 мај, канцеларијата на ОЖОСВН ја посетија претставници од Мировниот Корпус Македонија заедно со новиот Директор на Мировниот корпус во Македонија, Г-динот Марк Ханафин. Новиот директор започна со неговиот ангажман од март 2016 година и во наредните неколку години ќе биде одгворен за работата на Мировниот Корпус во Македонија и менаџирање на сегашните и нови волонтери. Целта на посетата на Организацијата, беше запознавање со нејзината работа, досегашната соработка на Организацијата со Мировниот корпус и ангажманот на волонтерката Лора Дешер која од декември 2015 година активно е вклучена како волонтер во Организацијата, како и поблиску запознавање на новиот директор со ситуацијата на терен во Македонија .

На 26 април 2016 во Куманово, се одржа средба на преставници од организации грантисти на ЦИВИКА Мобилитас: Организација на жените на општина Свети Николе, Центарот за ромска заедница „ДРОМ“ и Мултиетничкото здружение „Флоренс Најтингејл“ по иницијатива на Македонскиот институт за медиуми и Центарот за истражувачко новинарство – СКУП Македонија кои го реализираат проектот „Известување за граѓанското општество и неговото влијание врз промените во општеството“. Проектот се фокусира на продукција на истражувачки стории и репортажи на теми поврзани со областите на делување на грантистите на ЦИВИКА Мобилитас, а има за цел да се унапреди соработката на граѓанските организации со медиумите и новинарите, како и меѓу самите организации грантисти на ЦИВИКА Мобилитас програма која во Македонија ја спроведува МЦМС. Една од тритте избрани истражувачки стории на кои ќе се работи е сторијата на Организацијата на жените на општина Свети Николе, за успешната работа со жени заболени и лекувани од малигни заболувања и придонес кон превентивно делување за навремено откривање на малигните заболувања кај жените.

Двајца претставници од Организација на жените на општина Свети Николе на 20 и 21 април 2016 година зедоа учество на работилницаза користењето на социјалниот маркетинг за постигнување на целите на граѓанските организации. На работилницата учествуваа дваесетина претставници на грантисти на Цивика мобилитас Програмата и истата беше реализирана од страна на Сајмон Форестер, меѓународен експерт на програмата.Учесниците на работилницата, разменија свои досегашни искуства поврзани со социјалниот маркетинг, се запознаа со концептот и стратегиите за социјален маркетинг, формулирање на стратешките цели за социјален маркетинг, но и се презентираа идеи за користење на социјалниот маркетинг во својата работа.

Претставник на Организација на жените на општина Свети Николе зеде учество на Националната конференција „Информирај се СЕГА" која се оддржа на 18 Април во Скопје и на која беа презентирани активностите реализирани во кампањата „Право на младинско информирање-информирај се СЕГА!“, како и промотивно видео и брошура за поголема младинска информираност:

https://www.youtube.com/watch?v=YERc_BHhdx0&feature=youtu.be,

http://issuu.com/42507/docs/brochure_all_included/1?e=0/35201828.

Проектот беше подржан од Програмата за децентрализирана соработка помеѓу Република Македонија и Регионот од Долна Нормандија од Франција. Во склоп на кампањата се реализираа низа национални креативни активности, национална дискусија и саем на младински организации каде младите имаа можност да се сретнат со Градоначалници и преставници на Агенција за млади и спорт на Р.Македонија. Организацијата на жените на општина Свети Николе како членка на Коалиција СЕГА и партнер организација во проектот зеде учество во реализација на кампањата на локално ниво заедно со шеснаесет други организации од Р.Македонија.

Волонтерите од Мировен Корпус Лора Дешер, волонтерка во ОЖОСВН и Кајл Милфорд во почетокот на Април одржаа информативна сесија наменета за млади на возраст од 14 до 17 години, кои од Септември ќе бидат дел од средношколскиот образовен процес во Свети Николе. На информативната средба младите беа запознаени со активностите и можностите за учество на летните кампови за лидерство и лидерски вештини кој ќе се оддржат во текот на јули месец во Крушево. Сесијата се оддржа во канцеларијата на Организација на жените на општина Свети и на неа учестуваа околу 25 млади. Камповите се одвоени и наменети за 80 момчиња и 80 девојчиња од Р.Македонија и има за цел стекнување на лидерски вештини, граѓанска одговорност, еколошка одговорност, изучување на англискиот јазик, запознавање со Американската култура, традиција како и запознавање со разни американски спортови, а во реализација на Мировниот корпус и ИМКА Македонија од Битола.

На 10 април 2016 година се одржа Четвртата по ред ЖЕНСКА ТРКА на која учество зеде членка на Организација на жените на општина Свети Николе. Трката е во организација на Сојуз на Спортови на Скопје, а под покровителство на Град Скопје како дел од промотивните трки на Виз Eр Скопски Маратон 2016. Целта на трката е жените да излезат од дома и да посветат малку време и внимание на себе и своето здравје. Оваа година за учество на трката беа пријавени над 1000 жени. Од 2016 година, Женската трка е влезена во календарот на Европската Атлетска Асоцијација

Организација на жените на општина Свети Николе оваа година во Свети Николе, организираше одбележување на 8ми Март-Интернационалниот ден на жената. За таа цел се положи цвеќе и им се оддаде почит на жените борци во НОБ од општина Свети Николе на споменикот во нивна чест во градскиот парк. На самиот чин присуствуваа преставници и преставнички на Локална самоуправа Свети Николе, член/ки/ови на останати женски организации од градот, државни институции, училишта и граѓани и граѓанки од општина Свети Николе. Организацијата во чест на 8ми Март приреди средба и коктел во просториите на организација за поширокото членство, за соработничките и подржувачите, каде меѓудругото се споделија и разменија мислења и искуства вооднос на женскиот активизам и прашања поврзани со еднаквоста на половите во општеството.

Како дел од активности во склоп на Националната кампања „Право на младинско информирање – Информирај се СЕГА!“ на 4ти март во просториите на Организација на жените на општина Свети Николе се одржа средба со активни младински организации и организации кои работат со млади од општина Свети Николе заедно со преставници од Локалната самоуправа. На средбата се споделија информации од работилницата со младите од СОУ „Кочо Рацин“ од Свети Николе и се разговараше за поврзување на организациите и Локалната самоуправа од Свети Николе со цел подобрување на работата во полето на младинското информирање. Од страна на учесниците на средбата беше забележано дека после долг периот за прв пат Организација на жените на општина Свети Николе ја презеде улогата да ги собере НВО од општина Свети Николе и дека оваа средба е од големо значење за сите.

Националната кампања „Право на младинско информирање – Информирај се СЕГА!“ се реализира во периодот од 01 декември 2015 до 01 јуни 2016 година, а во Свети Николе ќе се реализираат активности од страна на младите членови/ки од Организација на жените на општина Свети Николе. Целта на активностите е да се подигне свеста за значењето на младинското информирање и Младинските Информативни центри во Македонија. Во склоп на кампањата на 18ти февруари во соработка со СОУ „Кочо Рацин“ од Свети Николе се одржа еднодневна работилница со младински лидери и претседатели на класови од училиштето. На работилницата учествуваа 21 претседатели/ки и претставници на класови од сите години и се дискутираше на темата „Младинско информирање“, односно проблеми со кои се соочуваат младите и кои се нивните потреби во однос на информираноста за прашања и теми од нивен интерес.

По покана од општина Демир Капија на 7ми Февруари членки од Организација на жените на општина Свети Николе со традиционална Овчеполска трпеза учествуваа на манифестација „НЕДЕЛА НА ТРАДИЦИЈАТА Св.ТРИФУН 2016". Во пресрет на празникот Св.Трифун беше организиран 6-тиот по ред Натпревар за најдобра традиционална трпеза на која учествуваа 144 учеснички од повеќе организации од 11 општини од Македонија. Манифестацијата ја организираа општина Демир Капија и Центарот за едукација и вмрежување на туризмот „ЦЕНЕТ". Изложените трпези беа оценувани од страна на врвни Македонски и интернационални готвачи, а настанот беше снимен и прилог за истиот одеше на Алфа телевизија.