Во рамки на проектот проектот MY EUROPE кој е ко-финансиран од програмата Europe for Citizens , Коалиција на младински организации СЕГА и Организација на Жените на општина Свети Николе, во партнерство со Асоцијацијата на Локални Самоуправи од Малта и 14 останати партнер организации од Франција, Албанија, Бугарија, Италија и Малта од 9 до 11 Декември 2013 година , во хотел Порта во Скопје реализираа тродневна меѓународна конференција на тема “Учество на жената во политиката”

Организацијата на жените на Општина Свети Николе и Локалната Самоуправа Свети Николе во рамките на 16те меѓународни денови за борба против семејно насилство реализираа заеднички активности за подигање на свеста за семејното и родово базирано насилство .
На ден 30.11.2013 година во Сабота, на Градскиот плоштад во Свети Николе беше поставен панел за потпишување на иницијативата НЕ за СЕМЕЈНОТО НАСИЛСТВО каде стотина жителите на општина Свети Николе ја дадоа својата подршка за борбата против семејното насилство и сите видови насилство врз жената .
Освен потпишување на иницијативата НЕ за СЕМЕЈНОТО НАСИЛСТВО, се делеа и виолетови панделки како симбол за борбата против семејното насилство и информативни флаери и брошури од страна на волонтери од СОУ Кочо Рацин. Промотивен материјал беше делен за цело време на 16те меѓународни денови за борба против семејно насилство.

Општина Свети Николе како носител на активностите, Комисијата за еднакви можности за мажи и жени при Советот на општина Свети Николе и Организација на жените на општина Свети Николе како партнери, беа дел од кампањата “Месец на борба против ракот на дојка”
Во рамки на оваа кампања се организираа серија активности:
- Пунктови за донирање на финансиски средства од граѓани и институции од општина Свети Николе наменети за жените заболени од рак на дојка.Оваа акција ќе трае во текот на целата година а средствата ке се употребуваат за набавка на медицински помагала за заболените жени;

На 30.09.2013 година официјално заврши проектот “Воспоставување на систем за стандардизација на услугите за бесплатна правна помош” финансиски подржан од UN WOMEN кој траеше една година почнувајки од 01.10.2012 година . Носител на проектот беше ЕХО-Едукативно хуманитарна организација од Штип , а партнер организации освен Организација на жените на општина Свети Николе беа и Организација на жените на општина Струмица и Кризен центар Надеж од Скопје.

Повеќе за овој напис

Секој 5-ти декември луѓето од цел свет без разлика на возраст раса и култура го слават волонтирањето, се потсетуваат на суштината на волонтерската работа и си оддаваат признанија.  Добитници на специјален сертификат за долгогодишен волонтерски ангажман, златен, сребрен, бронзен сертификат за Волонтерски ангажман за 2013 година се:
-Добитник на Специјален сертификат за долгогодишен волонтерски ангажман е Александар Богатинов од Свети Николе 
-Срџан Амет од Скопје  – добитник на Златен сертификат за волонтерски ангажман
-Игор Поповски и Филип Гагалов од Битола - добитници на Сребрен сертификат за волонтерски ангажман
-Светлана Сиљјаноска од Тетово и Гордана Лазаревска - Димитријевиќ од Битола -  добитници на Бронзен сертификат за волонтерски ангажман

Организација на жените на општина Свети Николе објавува оглас за пријавување на потенцијални волонтери во јавни институции/организации, државни органи и невладини организации. И оваа година Организацијата по петти пат на локално ниво го имплементира проектот „Локален Волонтерски Сервис“. Носител на проектот е Младински културен центар – Битола (Волонтерски центар на Македонија).
За сите волонтери е обезбеден надоместок за покривање на трошоците за пат и исхрана за период од 3 месеци во износ од 3.100 денари месечно. Волонтирањето бара секојдневен ангажман во работни денови по 4 часа. Очекуван почеток на волонтирањето е во текот на месец јануари 2014 година.

Рокот за пријавување е до 5 декември 2013 година.

Во рамки на проектот “Воспоставување на систем за стандардизација на услугите за бесплатна правна помош” финансиски подржан од UN WOMEN од 01.10.2012 година до 30.09.2013 година Организација на жените на општина Николе продолжи да работи со давање на услуги на бесплатна правна помош за жртви на семејно насилство. Овој проект преставува континуитет на работата на канцеларијата за бесплатна правна помош за жртви на семејно насилство при Организација на жените на општина Николе која за прв пат беше отворена во 2005 година . Носител на проектот е ЕХО од Штип, а партнерски организации кои се вклучени во имплементацијата на проектот покрај Организација на жените на општина Николе од Свети Николе се и Организација на жени од Струмица и Кризен центар Надеж од Скопје.

Во периодот од 1 Јануари до 30 Јуни 2013 година Организација на жените на општина Свети Николе го реализираше проектот „Зголеми ги своите вредности – едуцирај се“ кој финансиски беше поддржан од Генералниот секретаријат при Влада на Р.Македонија. Проектот е во согласност со владините програми за зголемување на економскиот раст и конкурентноста на трајна основа, повисока стапка на вработеност, пораст на животниот стандард и квалитет на живеење преку спроведување на активни политики за вработување со кои се делува врз знаењето и квалификациите на понудата на работна сила.

Во периодот од 24 Мај до 5 Јуни 2013 година 6 волонтери од Организација на жените на општина Свети Николе, на покана од Младински центар, Херцег Нови кој е носител на проектот, учествуваа на волонтерски камп во Херцег Нови, Црна Гора. Покрај волонтерите од Свети Николе на волонтерскиот камп учествуваа и по 6 волонтери од Херцег Нови од Црна Гора, Горица од Италија и Ново Место од Словенија. Волонтерите заеднички учествуваа во логистички и организациски активности за подготовка на одржувањето на седмиот меѓународен детски карневал во Херцег Нови. Самиот Меѓународен детски карневал траеше од Петок, 31 Мај па се до Недела, 2 јуни 2013 година.

Повеќе за овој напис

Организација на жени на општина Свети Николе по четврти пат успешно го реализираше проектот „Локален Волонтерски Сервис“. Носител на проектот е Младински културен центар – Битола (Волонтерски центар на Македонија), а како партнери во имплементацијата на проектните активности во четвртиот циклус од проектот, покрај нашата Организација беа вклучени уште 5 невладини организации односно Волонтерски Инфо Точки (ВИТ) и тоа Младински образовен форум – Скопје, СППМД - Кавадарци, Младински совет - Охрид, Агтис – Прилеп и Институт за развој на заедницата – Тетово.

Од 15 Декември 2012 до 15 Март 2013 година, Организација на жените на општина Свети Николе, во соработка со уште шест други невладини организации од Куманово, Радовиш, Струмица, Неготино, Битола и Ростуше го реализира проектот “Младите за младите” – финансиски поддржан од Европска младинска фондација при Советот на Европа. Проектот имаше за цел да придонесе кон зголемено учество на младите во нивните локални заедници преку охрабрување на независни (самостојни) и заеднички младински иницијативи