(од сите долуспоменати активности може да ги погледнете сликите во нашата галерија)

Почнувајќи од 14 Октомври 2003 Организацијата на жени на општина Свети Николе во соработка со 16 женски НВО-и од Македонија ја започна кампањата под наслов НЕ ВРТЕТЕ ГО ПОГЛЕДОТ .Целта на кампањата е подигање на свеста кај жените за потребата од редовни гинеколошки прегледи со цел рано откривање на малигни заболувања, и иницијативата за воведување на задолжителни систематски гинеколошки прегледи за сите жени во Македонија.Со ова се бара промена во законот за здравствена заштита  со која ќе се воведе посебна програма  за задолжителни систематски гинеколошки прегледи еднаш во текот на годината за сите жени со цел рано и навремено откривање на малигните заболувања на репродуктивните органи кај жените.
Според податоците добиени од Републичкиот завод за здравствена заштита се забележува дека бројот на жени заболени од рак на репродуктивните органи и рак на дојката  секоја година се зголемува.  Така во 1995 година се регистрирани 1086 , а во 2001 година 1165 новорегистрирани случаи. Ракот на репродуктивните органи и ракот на дојка заземаат 45 % од вкупниот број на жени заболени од малигни заболувања. Болеста најчесто се открива во подоцнежните фази така што смртноста изнесува 40% од бројот на заболените жени од овие болести. Недоволната информираност за болеста, патријахалното воспитување , срамот и стравот се причини поради кои жените не одат редовно на гинеколог.
Немањето на здравствено осигурување и финансиски средства потребни за плаќање на гинеколошките прегледи,  немањето на законска регулатива и програма со која државата ќе ги овозможи овие прегледи заради рано откривање на ракот  на матката и дојката се фактори кои  допринесуваат за подоцно откривање на овие болести .Потпретседателката на парламентот Г-ѓа Лилјана Поповска ја подржува нашата иницијатива и таа ќе  поденсе амандман за промена на Законот за здравствена заштита со кој ќе се бара воведување на задолжителни гинеколошки прегледи. Промената се состои интервенција во член 33 од Законот за здравствена заштита со воведување на посебни мерки за заштита на здравјето на жените и  изготвување на посебна програма од страна на Владата на РМ за задолжителни гинеколошки прегледи за сите жени.
Директрот на Гинекологија Д-р Марјан Стојовски истакна дека редовните гинеколошки прегледи ќе овозможат рано дијагностицирање на било какви промени и успешно излекување.Изготвувањето на посебна програма со која ќе се спроведат овие прегледи е неопходно и државата треба да донесе ваква програма за унапредување и зачувување на здравјето на жените .
Промоцијата на медиумската кампања беше на 14 Октомври  на Скопски саем. Кампањата  ќе трае до крајот на Ноември со прикажување на ТВ спотот изработен од АМВОН комуникации  на МТВ и Канал 5 , и локаланите ТВ станици. Во текот на овој месец реализирани се интервјуа на МТВ и А1, Македонско радио, промовиран ТВ спотот  на трибината што ја организираше Здружение на жени Животна Искра по повод на  месецот за борба на рак на дојка на 21. Октомври во Дом на АРМ, , инсертирање на огласи  во ВЕСТ , поставување на билборди во Скопје.
Проектот Финансиски е подржан од Шведската фондација КВИННА ТИЛЛ КВИННА,  а се реализира во соработка со ОЖ Пробиштип, ОЖ Крива Паланка, Искра Битола, ОЖ Струмица, ОЖ Штип, ОЖ Македонска Каменица, Нов живот Штип, ОЖ Кумановка, Женски центар Дебар, Норма-ф Скопје,ОЖ Радовиш, АУРЕОЛА Струга , ОЖ Гевгелија, ОЖ Кочани,  Китка Прилеп, Антико Гостивар.

"Едукација на жени од рурални средини за рано откривање на малигни заболувања на репродуктивните органи” прв пат финансиран од DELFI STAR INTERNACIONAL, и на два пати од МЦМС - Скопје во периодот од 1999 - 2000 година, и се реализирани бесплатни гинеколошки прегледи за 350 жени. Во проектите одржани се предавања за ракот на дојката и ракот на матката за жени, од повеќе села во општината.

"Едукација на жени од рурални средини за ран откривање и соочување со малигни заболувања на репродуктивните органи” финансииран од Шведската фондација KVINNA TILL KVINNA реализиран од 01. 01 2001 до 31. 12. 2001. Во проектот се реализирани 25 работилници со по 5 теми во 5 населани места во општината и се обезбедени комплетни гинеколошки прегледи за 200 жени;

"Можеме ли да смениме барем нешто” - проект финансиран од Шведската фондација KVINNA TILL KVINNA беше  реализиран во текот на 2002 година. Проектот се состоеше од едукативен дел и иницијатива за промена на законот за здравствена заштита.

"Едукација на жени за репродуктивно здравје” - проект финансиран од ЕСЕ - Скопје реализиран во 2000 година и втор проект во 2001 година финансиран од ФИООМ наменет за млади девојки и жени Македонки и Ромки. Реализирани беа 8 работилници со теми од репродуктивното здравје.

"Ментално здравје” - проект финансиран на два пати од ЕСЕ во текот на 2000 година. Во проектите се реализирани по 12 работилници наменети за жени од различна возраст со теми од менталното здравје .

"Раст и развој на деца” - проект реализиран во 2000 година со подршка на ЕСЕ и УНИЦЕФ. Проектот беше наменет за млади мајки со деца до 5 години, опфатени се 6 теми во врска со најосновните проблеми околу здравјето на децата до 5 години.

"Борба против болести на зависност” во 1998 година финансиран од ИТЗ. Во овој проект е реализирана трибина наменета за младите во градот а во исто време се поставени и клупи во градскиот парк каде младите можат да го минуваат своето слободно време.

"Како да и се спротивставиме на дрогата” проект реализиран во 2000 година, а финансиран од Министерството за млади и спорт. Проектот опфаќаше работилници за младинци во 5 села, вклучувајки ги основните и средното училиште во Свети Николе.

"Семејно насилство”- проект финансиран од ФИООМ во 1990 година

"Живот во семејна заедница без страв како ќе биде следното утро” реализиран во 2000 година финансиран од УНДП. Проектот се реализираше во вид на целодневни работилници за жени од 5 села и градот Свети Николе а исто така беа опфатени и две групи на деца од основните училишта.

"Семејно насилство работа со општа популација” 2001 година, помогнат од ЕСЕ. Во проектот се реализирани по 6 работилници за две групи на жени од по 25 учеснички на теми од семејното насилство.

Учество во коалицијата "Да сториме барем нешто” во кампањата за донесување на закон за семејно насилство финансирана од ЕСЕ
  -Трклезна маса "Што можеме ние да сториме” организирана од ОЖО Свети Николе во рамките на кампањата 16 дена борба против семејното насилство. Целта на тркалезната маса беше отворено да се проговори за семејното насилство и да се изнајдат начини и можности како да се спречи. Присутни беа претставници од Центарот за социјална работа , Началникот на подрачната единица за труд и социјала, локална самоуправа НВО-и медиуми, психолози, правници , социјлални работници и медиуми. Во рамките на 16 дена борба против семејното насилство беше реализирана и радио емисија на локалното Радио Свети Николе.

Младински Форум ОКО во соработка со Агенцијата за Млади и Спорт на Македонија и YMCA Македонија со поддршка на Ресурс Центарот за Југоисточна Европа за програмата МЛАДИ организираа Национален Состанок од 02 до 05 Септември 2004 година во Струга , на кој беа дефинирани следните чекори за користењето на Програмата МЛАДИ во Македонија. На овој состанок беа присутни претставници на организации кои веќе имаат искуство со оваа програма но и представници од канцеларијата на Европската Комисија во Македонија. Целта на овој состанок беше да се дефинираат конкретни координирани активности кои организациите од Македонија ќе ги превземат за да се зголеми промовираноста и нивото на користење на Програмата МЛАДИ на Европската Комисија во Република Македонија. На овој Национален состанок активно учество зема и претставникот од нашата организација - Александар Богатинов.
Завршниот извештај од овој состанок може да го добиете на следниов линк - Final_Report (во зип формат- 45KB) .

"Да направиме чекор напред”- отварање на ВАВИЛОН Центар за деца и млади финансирано од УНИЦЕФ во 2001. Центарот го посетуваат деца од 7 - 24 години и добиваат бесплатни курсеви по англиски јазик, компјутери, животни вештини, креативност, новинарство, дебата и др активности.

"Да направиме чекор напред 2” ВАВИЛОН Центар за деца и млади подржан од Агенцијата за спорт и млади и Светската Банка 2002/2003. Се реализираат истите активности како и претходната година со можност за додавање и на други активности како спорт, сообраќај, прва помош, германски јазик и сл. Центарот го посетуваат 500 деца и младинци

"Ние и нашиот свет” проект за млади од 14 - 21 година финансиран од ФИООМ - Програма за млади се реализираше  од Април до Декември 2002 година. Во проектот беа вклучени околу 50 деца со кои се реализирани работилници од актуелни теми од секојдневниот живот, а во текот на месец Јуни се реализираше и летен камп во Претор.

Школа за демократија:

-реализација на работилници од областа на демократијата на населението.

Акција Жените од Свети Николе за жените на Свети Николе
Мај 2003

"Имаме право да знаеме” проект за презентирање на содржината на рамковниот договор финансиран од ФИООМ реализиран во Септември 2001 година. Одржани се 8 работилници во 8 населени места во општина Свети Николе и реализирана е тркалезна маса во Свети Николе

Активно учество во кампањата ДОСТА Е во организација на ФИООМ.

"Изборен фер плеј“-ОХО

 Организацијата на жени на општина Свети Николе во соработка со ОХО реализираше активност поврзани со проектот Изборен фер плеј со цел мотивација на гласачите. На 28.08.2002 беше одржана трибина во просториите на Домот на културата во Свети Николе на тема Изборен фер плеј - А зошто да не. На трибината предавачи беа професор Димитар Мирчев и Сашо Клековски од МЦМС како и локален претставник од организацијата на жени Даниела Панева - правник. На трибината присуствуваа кандидати за пратеници од градот претставници од локалнта самоуправа , НВО-и , и граѓани. Предавачите беа присутни и на локалната ТВ СВЕТ. Во истиот период 4 членки од организацијата собираа потписи за Деклараијата за за фер и демократски избори и беа собрани околу 1500 потписи од полнолетни граѓани или повеќе од 10% од населението во општината со право на глас.

"Граѓаните за фер и демократски избори“- проект финансиран од ФИООМ
 Цел на проектот: мотивација и едукација на гласачите за претстојните парламентарни избори. 
 Целна Група: Полнолетни граѓани со право на глас од општините Свети Николе и Лозово. 
 ОЖО Свети Николе во соработка со Здружението на Роми од Свети Николе и ОЖ Лозово во периодот од 25.07. до 10 .09.2002 го реализираше проектот Граѓаните за фер и демократски избори финансиран од ФИООМ.  Во овој период реализирани се 12 едукативни работилници во следниве населени место од општината Свети Николе и Лозово : Дорфулија , Горобинци , Ерџелија , Мустафино , Црнилиште , Немањици , Ѓуѓанци Кадрифаково , Милино , Лозово и две работилници во Свети Николе. На сакоја од работилниците присуствува по околу 30 учесници или вкупно директно се едуцираа околу 360 гласчи. Отпечатени се и дистрибуирани 1000 брошури со некои битни информации околу изборниот процес и начинот на гласање а населението за активностите беа запознаени со диистрибуција на околу 100 плакати како и преку медиумите. На локалната ТВ СВЕТ беше реализирана контактна емсија на која гостин беше проефесорката Гордана Силјановска . а исто се емитуваше и радио емисија на локалноте радио Свети Николе со цел и пошироката јавност да добие конкретни информации околу изборите.

Активно учество во Граѓанската иницијатива на жени во соработка со други НВО, локална самоуправа, синдикат, приватен бизнис сектор и медиуми. Проектот се реализира од Септември 2001 до Септември 2002, а во организација на STAR World Learning. Реализирани се 4 работилници за околу 30 жени, контактна емисија со донатори и кредитори на локалната ТВ СВЕТ, вклучувајки и тркалезна маса на која присуствуваа жени претприемачки и донаторите и кредиторите.

На локално ниво учество во акцијата Свети Николе најчист град во Македонија во соработка со локалните НВО и локалната самоуправа. Реализирани се неколку еколошки акции во градот и околината, спроведен конкурс за најдобро уредеен двор и др.