ОЖОСВН беше дел од Националниот форум на грантистите кои се дел од Цивика мобилитас програмата насловен како „Граѓаните за промени-Ден на граѓанските организации“, а се оддржа на 23 септември во Градскиот парк на „Школка“ во Скопје.
Програмата се состоеше од повеќе од 30-тина настани кои се одвиваа паралелно, а беа надополнети и со настапи на повеќе музичари, меѓу кои хор Симбиосис, Шурбе, Џун, Концепт 59, РИБ и Тамара Тодевска.
Официјално, форумот беше отворен во 13 часот од страна на нејзината екселенција Сибил Сутер Тејада – Амбасадорката на Швајцарија во Р.Македонија, а потоа се обратија и Питер Тоинес и Александар Кржаловски, кои се меѓународниот и националниот лидер на тимот на Цивика. Амбасадорката во своето обраќање истакна дека „Многу е важно да се запамети дека организациите на граѓанското општество се гласот на нивните конституенти и дека довербата на граѓаните е темел на нивните законитости" и додаде „Во изминатите неколку години можевме да видиме дека организациите на граѓанското општество уживаат поголема доверба кај нивните конституенти, влијанието од нивните акции станува посилно и резултатите од нивните акции многу по оддржливи. Се надевам дека овој настан ќе ги инспирира локалните власти да воспостават поблиски врски меѓу заедницата и граѓанското општество заради придобивките на целата заедница“.

На настанот посетителите имаа можност да се информираат за граѓанските организации, нивните залагања и постигнувања, како и активно да се приклучат на разновидните активности. Всушност, Форумите на Цивика Мобилитас овозможуваат простор за артикулирање идеи, идентификување заеднички каузи и планирање заеднички општествени акции од страна на граѓанските организации во соработка со другите организации, властите, граѓаните и останатите конституенти.

Флаер ОЖОСВН (*мкд)

Флаер ОЖОСВН (*eng)