Во месец Април беа реализирани неколку креативни работилници за изработка на Велигденски украси кои беа изложени и продавани со цел да се соберат средства за поддршка на групата за самопомош на жени заболени и лекувани од малигни заболувања која повеќе од 10 години функционира во рамките на Здравствената програма на Организацијата. Креативните изработки се изработија на иницијатива на младите членки/нови во Организација на жените на општина Свети Николе.

Реализацијата на оваа младинска иницијатива, прва од ваков вид, беше успешна и добро прифатена од граѓаните на Свети Николе. Изложбениот Велигденски продажен штанд опфаќаше над 120 велигденски украси, а беше посетен од над стотина граѓани од општина Свети Николе кои несебично купувајќи рачно изработени Велигденски изработки, донираа средства за работата на групата за самопомош на жени заболени и лекувани од малигни заболувања од општина Свети Николе.

Целта на оваа иницијатива беше да се испита пулсот на светиниколчани за донирање и поддршка на вакви активности, а со цел да се формира фонд за поддршка на жените заболени и лекувани од малигни заболувања.