Организација на жените на општина Свети Николе како партнер организација на Младинска Алијанса од Крушево ја организираа и реализираа седмата едукативна работилница за млади која е дел од проектот „e-ENGAGEMENT".

Главна цел на проектот „e-ENGAGEMENT“ е подигање на свеста и развивање на нови вештини и знаења кај младите луѓе од сите региони во Република Македонија за употреба на можностите и придобивките кои ги нудат новите технологии со цел нивно активно вклучување и придонесување во општеството.

„е- ENGAGEMENT" е проект на Младински Сојуз од Крушево, финансиски поддржан од „Фондацијата е-Македонија“, а активностите во Свети Николе се имплементираа во партнерство со Организација на жени на општина Свети Николе.

Проектот е наменет за подобрување на клучните компетенции и вештини на младите луѓе со цел да им се овозможи подобро користење на потенцијалот и придобивките од новите технологии, како и подигање на свеста кај нив за користење на предностите на новите технологии и дигиталните алатки за вклученоста на младите и решавање на општествените прашања кои влијаат врз нив.

Специфични цели на проектот:

•Зголемување на свеста кај младите луѓе од различни средини во Македонија за важноста на електронското ангажирање;

•Подобрување и зајакнување на вештините кај младите од јазичен, дигитален и социјален аспект како и надградување на нивните капацитети за нивно подобро дигитално ангажирање; 

•Поттикнување социјална инклузија на специфични маргинализирани групи на млади луѓе преку нивно дигитално анагажирање; 

•Вмрежување на „e-ENGAGEMENT" учесниците во мрежа на млади луѓе кои ќе бидат поттикнувачи на следни акции за дигитално ангажирање;

Водечката сила зад проектот „e-ЕNGAGEMENT" е желбата преку развој на комбинација од знаење, вештини, вредности и мотивација помеѓу младите луѓе, да се направат позитивни промени во општеството со користење на потенцијалот и придобивките на новите технологии.