Здружението за акција против насилство и трговија со луѓе Отворена Порта во соработка со Организација на жените на општина Свети Николе

објавува:

За најдобрите новинарски статии ќе бидат доделени парични награди (прва награда  450 евра, втора  награда  350 евра, третта награда 250 евра).
Еден примерок во изворниот формат и 2 копии да се достават во Организација на жените на општина Свети Николе најдоцна до 16 март 2015 година.

Повеќе за овој напис

Повеќе за овој напис

Фондацијата Kvinna Till Kvinna од Стокхолм, Шведска во периодот од 24 до 27 Јуни 2014 година организираше Конференција „Добри Практики" во Драч, Албанија, наменета за партнерските организации од Македонија, Албанија, Косово, Србија, Црна Гора, Босна и Херцеговина и Хрватска за кои Kvinna Till Kvinna обезбедувала или сеуште обезбедува одредена финансиска поддршка. Основна цел на конференцијата беше да им се даде можност на партнерските организации на KTK да разменат искуства на добри практики како и можности за вмрежување. За исполнување на поставените цели на Конференцијата беа организирани мошне интересни работилници. Некои од работилниците беа базирани исклучиво на споделување на идеи и добри практики меѓу активистките – учеснички, додека други пак беа организирани како традиционални семинари на кои беа обработени одредени специфични теми.Организацијата на жените на општина Свети Николе на Коференцијата ја преставуваше Вера Златева.

Организација на жените на општина Свети Николе веќе повеќе од 5 години функционира како Волонтерска инфо точка во рамките на Локалниот волонтерски сервис и во пракса го имплементира Законот за волонтерство на Р.Македонија.
Со донесувањето на Законот за волонтерство во Република Македонија се јави и потребата од неговата имплементација на локално ниво. Со цел волонтерството да добие облик на организирана форма каде волонтерскиот труд ќе биде препознатлив, целта е да се стапи во контакт со општинската администрација, државни органите и јавните институции на локално ниво, да се утврди нивната потреба од ангажирање на волонтери, како и видот на услугите кои би можеле да ги добијат од нив.
Оваа година по петти пат успешно се реализираше проектот „Локален Волонтерски Сервис“. Носител на проектот е Младински културен центар–Битола (Волонтерски центар на Македонија), а Организација на жените на општина Свети Николе, заедно со уште 5 невладини организации односно Волонтерски Инфо Точки (ВИТ) се имплементатори на проектот на локално ниво во градовите каде работат. Проектот финансиски е поддржан од National Endowment for Democracy (www.ned.org)

Врз основа на долгогодишната соработка и институционална подршка од Квина тил Квина од Шведска, од 11-15 Јуни , Даниела Панева , активистка во Организација на жените на општина Свети Николе присуствуваше на регионална конференција наменета за бранители на женски човекови права, а именувана како Нордиски форум .
Нордискиот форум се одржа во Арена во Малме-Шведска, а беше организиран од страна на женското движење во Шведска, Данска, Финска, Исланд и Норвешка.
На овој форум се дискутираа повеќе актуелни прашања поврзани со еманципацијата на жените, родовата еднаквост, заштита од семејно насилство и сите други видови на насилство како и прашања поврзани со мирот и сигуирноста на жените .
На Нордискиот форум учествуваа околу 15000 учеснички од повеќе земји од светот. Дискусиите на Форумските работилници беа фокусирани на основните документи за женските човекови права, Пекингшката платформа за акција, Конвенцијата за елиминација на сите форми на дискриминација врз жените, Резолуцијата на ООН 1325-жени,мир и сигурност како и нови иницијативи акцентирани за подобрување на положбата на жената во сите сфери на јавниот,приватниот и политичкиот живот.

Во период од 1 Декември 2013 год. до 28 Февруари 2014 година Организација на жените на општина Свети Николе го реализираше проектот “Жените од регионот активни чинители во градењето на мирот” кој финансиски беше поддржан од Екуменска иницијатива на жени – Омиш, Република Хрватска. Предизвиците за изградбата на мирот и сигурноста иницираа воспоставување на позитивни промени во однос на постоечките негативни етнички ставови – предрасуди и стереотипи, како и зголемување на етничката интеракција и граѓанскиот активизам преку воспоставување на дијалог, разрешување на конфликти, градење на мир. Во рамките на проектот беа реализирани 2 работилници- една во Свети Николе, Р.Македонија и една работилница во Ферезај, Косово. Исто така во рамките на проектот од 30 јануари до 2 февруари 2014 година се одржа и четири дневен семинар во Битола. На него учествуваа вкупно 20 учеснички - 11 учеснички од Македонија и 9 учеснички до Косово.