Организација на жените на општина Свети Николе на 25 Декември 2015 година одбележа 25 години работа во женското движење за подобрување на општата состојба на граѓаните, за подобрување на условите за соодветна здравствена заштита на жените, децата и младите, активно вклучување на децата и младите во општествените текови на живеење, како и почитување и заштита на човековите права. Во организацијата членуваат повеќе од 500 членови и членки од општината и пошироко од кои околу 30 се активни волонтери и волонтерки и се вклучени во реализација на тековни активности и проекти.

Од 6ти до 9ти Ноември 2015 година во Омиш, Хрватска каде што е седиштето на фондацијата Екуменска иницијатива на жени се одржа Регионална партнерска конференција „Жените кои преместуваат планини". На конференцијата учествуваа 69 жени од шест земји од регионот, активистки на граѓански здруженија кои се залагаат и придонесуваат со својата работа за развој на заедницата, остварување на правата и подобрување на статусот на жените и мажите, како и преставници од организации кои го промовираат меѓурелигискиот дијалог и градење на мирот. Од Организација на жените на општина Свети Николе учество на конференцијата зеде Билјана Панева. Учесниците на конференцијата покрај можноста да се поврзат едни со други, да се запознаат, имаа можност и да ги презентираат своите активности и искуства од својата работа и од работата на нивните матични организации. На самата конференција се констатира дека потребата од работа на прашањето за меѓурелигиски дијалог е многу големо, но бидејќи локалните заедници често се затворени за ова прашање овој проблем е малку познат кај пошироката јавност и многу малку се работи на негово надминување.

Организација на жените на општина Свети Николе како партнер организација на Младинска Алијанса од Крушево ја организираа и реализираа седмата едукативна работилница за млади која е дел од проектот „e-ENGAGEMENT".Главна цел на проектот „e-ENGAGEMENT“ е подигање на свеста и развивање на нови вештини и знаења кај младите луѓе од сите региони во Република Македонија за употреба на можностите и придобивките кои ги нудат новите технологии со цел нивно активно вклучување и придонесување во општеството.„е- ENGAGEMENT" е проект на Младински Сојуз од Крушево, финансиски поддржан од „Фондацијата е-Македонија“, а активностите во Свети Николе се имплементираа во партнерство со Организација на жени на општина Свети Николе. Проектот е наменет за подобрување на клучните компетенции и вештини на младите луѓе со цел да им се овозможи подобро користење на потенцијалот и придобивките од новите технологии, како и подигање на свеста кај нив за користење на предностите на новите технологии и дигиталните алатки за вклученоста на младите и решавање на општествените прашања кои влијаат врз нив.  

Организација на жените на општина Свети Николе е партнер на Организацијата Lieu d’Accueil Innovant (LAI) од Франција и заеднички ќе реализираат Младинска размена за дискриминација. Размената ќе се одржи во Париз, Франција во Август 2016 во која ќе бидат вклучени 28 млади на возраст од 18-25 години од Франциаја, Романија, Белгија и Македонија т.е. 6 волонтери и еден лидер на група од Организација на жените на општина Свети Николе. Во рамки на проектот Младинска размена за дискриминација од 8 до 10 Септември 2015 година во Париз, Франција се одржа подготвителната средба на која присуствуваше Дорина Јанева-волонтерка во Организацијата. На АPV –подготвителната средба учествуваа претставници од сите партнерски организации, а се со цел да се дефинираат активностите за реализација на проектот Youth Exchange about discrimination кој финансиски е поддржан од програмата Еразмус+.

На 29 Јули 2015 година во салата на Советот на општина Свети Николе, Организација на жените на општина Свети Николе го оддржа шесттото изборно Собрание.
На ова изборно собрание беа присутни членови/ки и поддржувачи на Организацијата, соработници и други поканети гости. Собранието го отвори г-ѓа Билјана Димова, долгогодишна членка, основачка и претходна долгогодишна потпретседателка на Организацијата и членка на Управниот одбор. Според предложениот и усвоен дневен ред прво се избраа работни тела на Собранието (работно претседателство, верификациона комисија, лице за записничар и двајца оверувачи на записникот), потоа се презентираа: Годишниот извештај од работата на ОЖОСв.Н за 2014 година, завршната сметка на ОЖОСв.Н за 2014 година и Програмата за работа и финансиски план на ОЖОСв.Н за 2015 г.. На Собранието беше предложена и избрана новата Претседателка на ОЖОСв.Н, односно за Претседателка на Организацијата едногласно од сите членови на Собранието беше избрана г-ѓа Даниела Панева.

Друштвото за развој на доброволната работа Ново Место, Словенија од 12 до 19 Јуни 2015 год. го организираше седмиот фестивал „Денови на културата“. Друштвото за доброволна работа од Ново Место со овој фестивал настојува да даде свој придонес кон градење на можностите за промоција на културите и можност за презентација на културно наследство на националностите кои живеат во Словенија. Во склоп на фестивалот беа реализирани повеќе различни настани од кои до посетителите беше испратена пораката за важноста на меѓукултурните димензии. Напоредно со настаните во деновите на фестивалот во рестораните во Ново Место се служеше Македонска, Српска, Босанска и Словенска кујна. Фестивалот го посетија повеќ од 800 посетители и на него во разните настани учествуваа 220 учесници.

Во периодот од 11 до 14 јуни 2015 година во х.Монтана Палас, Крушево се реализираа едукативни работилници на тема „Слобода на изразување-предизвици и Европски стандарди". Настанот беше организиран од Здружение Институт за развој на заедницата (ИРЗ) од Тетово, а финансиски поддржан од Совет на Европа. На работилниците учествуваа 30 претставници на медиуми и здруженија кои се занимаваат и работат на теми поврзани со слобода на изразување. Панелисти беа новинари и истражувачи од Босна и Херцеговина, Србија и Македонија, како и претставник од Совет на Европа кој што имаше презентација на конкретни случаи кои се водат како предмети во Судот за човекови права во Стразбург.

Рахела Симеонова Манева, членка на Организација на жените на општина Свети Николе, по покана на Здружението на жени за меѓурелигиски дијалог, семејството и општеството „Мозаик" од Високо, Босна и Херцеговина зеде учество на Интернационална Конференција „Улогата на верата во надминување на сиромаштијата кај децата". Конференцијата се одржа од 2 до 5 Јуни 2015 година во Сараево, Босна и Херцеговина во организација на Action for Children – Arigatou International со учество на 100-тина учесници од Босна и Херцеговина, Хрватска, Молдавија, Србија, Македонија, Црна Гора, Индија, Шри Ланка, Непал, САД, Франција и Кенија. Целта на конференцијата е да се даде придонес во надминување на сиромаштијата кај децата во светот.На конференцијата беа истакнати повеќе прашања кои се важни и влијаат во надминување на сиромаштијата кај децата,

Отворена Порта/Ла Страда на 27.05.2015 година организираше прием по повод одбележање 20 години од основањето на Меѓународната мрежа за борба против трговија со луѓе - Ла Страда и 15 години постоење, успешна мисија и работа, 15 години промовирање на човековите права и застапување на интересите и потребите на лицата кои се под ризик или претрпеле насилство и трговија со луѓе.
На приемот беа присутини долгогодишни соработници, партнери и пријатели на кои Отворена Порта им додели плакети. Организација на жените на општина Свети Николе е добитник на плакета за долгогодишна поддршка и разбирање во реализирањето на заедничките активности. На приемот беа доделени три награди за најдобра новинарска статија на тема „Трговија со луѓе‘‘ и три награди за најдобар мултимедијален продукт изработен од средношколци. Третата награда за мултимедијален продукт беше доделена на Влатко Спасев, ученик во СОУ „Кочо Рацин“ Свети Николе.

Организација на жените на општина Свети Николе со свои четири претставнички учествуваше на завршната конференција „Креирање на ефективни можности за младинско вработување“ одржана во Струга од 21-24.05.2015. Конференцијата беше реализирана од страна на Коалиција на младински организации СЕГА, а финансиски подржана од програмата ЕРАЗМУС+ која ја спроведува Националната агенција за европски образовни програми и мобилност.
На овој настан имаше вкупно 45 учесници од различни области односно од државни институции и организации и граѓански сектор, кои работеа на формирање препораки од следниве области: политики и мерки за вработување на различни категории на млади, мерки за подршка на претприемништво и самовработување, реплицирање на ЕУ гарантни шеми во Р.Македонија и децентрализација на мерките за младинско вработување.

Новинарите од источниот регион во рамките на активностите на регионалниот центар „Исток‘‘, коj е дел од Здружението на новинари на Македонија (ЗНМ), следејќи ги севкупните општествени процеси од овој дел од државата доделија награди за најдобрите во стопанството, туризмот, образованието, невладиниот сектор, здравството, хуманоста, спортот, културата. Признанија на најуспешните, на оние кои посветено, упорно, стручно и пожртвувано работат им беа доделени на 8 Мај 2015 година во Виница. Во рамките на невладиниот сектор, признанието е доделено на Организацијата на жените на општина Свети Николе, за упорноста во борбата градот да добие мамограф, бидејќи статистички во овој град жените најмногу заболуваат од рак на дојка. Наградата ја прими Г-ѓа Вера Златева, Претседателка на Организацијата на жените на општина Свети Николе, а беше доделена од страна на студентката по новинарството и новинарка во Радио Кочани, Николина Атанасова.

Организација на жените на општина Свети Николе со свој учесник на тркалезна маса „Зајакнување на соработката на граѓанските организации за заштита на децата од експлоатација“ организирана од граѓанската организација Отворена Порта „Ла Страда“ - Скопје.
Организација на жените на општина Свети Николе имаше свој претставник на тркалезната маса „Зајакнување на соработката на граѓанските организации за заштита на децата од експлоатација“ организирана од граѓанската организација Отворена Порта „Ла Страда“, на 24 април 2015, во Скопје.
Овој настан е дел од проектот „Не ми го одземајте моето детство“, делумно финансиран од Американската амбасада во Р.Македонија, чија цел е да се придонесе кон намалување на принудените и детските бракови и трговијата со луѓе во Република Македонија.

На 28 јануари 2015 г. претставничка од Организација на жените на општина Свети Николе учествуваше на настанот Civil Society in Research and Innovation во Брисел, во организација на The CONSIDER project (Civil society organisations in designing research governance), а финансиски поддржан од The European Economic and Social Committee (EESC).Целта на настанот беше да се потенцира работата на EESC и да се поттикне дебата меѓу претставниците на засегнатите страни: Институциите, Невладиниот сектор и Универзитетите кои се инволвирани во истражувања. На настанот беа презентирани истражувања поврзани со политиката во Европа и нејзините земји - членки како и истражувања спроведени на неколку реномирани универзитети во Европа.

Организација на жените на општина Свети Николе учествуваше во натпреварот ‘Civil Society Peer Exchanges’ во организација на Еуклид Мрежата од Англија и Центарот за институционален развој (ЦИРа) од Македонија, а финансиски поддржан од Британската Амбасада во Скопје, Македонија.
Натпреварот имаше за цел да ги зајакне капацитетите на граѓанскиот сектор во Македонија преку пеер размени, менторирање и тренинг за поттикнување на демократски реформи, јакнење на човековите права и креирање на економски можности со поддршка од граѓански организации од Британија. Организацијата на жените на општина Свети Николе од Свети Николе беше една од деветте организации кои беа избрани како финалисти на натпреварот за иновативни идеи во три категории и со тоа доби можност да учествува во делот на менторската програма од проектот. Организацијата на жени од Свети Николе го доби признанието во областа на градење политики и застапување со проект за помош и поддршка на жените заболени и лекувани од малигни заболувања со цел полесно надминување на болеста и нивно реинегрирање во општеството.
Проектните тимови на трите најдобри проектни идеи во текот на месец март 2015 година учествуваа на „пеер" размена во Англија.