Организација на жените на општина Свети Николе во рамките на Кампањата Мрдни со Прст објавува награден литературен и ликовен конкурс.

За најдобрите литературни творби се предвидуваат 6 награди (три за деца од 10-14 години и три за млади од 15-20 години) и истите ќе се состојат во прибори, еко енциклопедии, училишни ранци, книги.

• Две први награди во подароци во износ од - 3000.00 денари
• Две втори награди во подароци во износ од – 2000.00 денари
• Две трети награди во подароци во износ од – 1000.00 денари

За наградите ќе одлучуваат две одделни комисии-Комисија од 3 стручни лица, професори по ликовно образование и Комисија од 3 стручни лица, професори по македонски јазик делегирани од основните училишта и средното училиште во Општина Свети Николе, како и двајца членови од проектниот тим и соработниците.

• Цртежите да се во согласност со темата
• Цртежите може да бидат изработени во било која ликовна техника
• ЗАДОЛЖИТЕЛНО цртежите треба да бидат шифрирани односно да не стои име и презиме на апликантот ниту пак некои лични или други податоци кои би го откриле идентитетот на апликантот
• Цртежите треба да бидат потпишани со шифра, а заедно со цртежот треба да се достави шифрата и личните податоци на апликантот во затворен плик
• Лицето апликант да е на возраст од 10 до 14 и/или од 15 до 20 години.

• Литературната творба да е во согласност со темата
• Литературната творба е напишана на македонски јазик на компјутер во фонд Arial 12 големина
• ЗАДОЛЖИТЕЛНО Литературната творба да биде потпишана со шифра, а шифрата заедно со целосното име на апликантот да се поднесени во посебен затворен коверт
• Лицето апликант да е на возраст од 10 до 14 и/или од 15 до 20 години.

Огласот ќе биде активен во периодот од 01/09/2017 до 22/09/2017 година.