Двајца претставници од Организација на жените на општина Свети Николе на 20 и 21 април 2016 година зедоа учество на работилницаза користењето на социјалниот маркетинг за постигнување на целите на граѓанските организации. На работилницата учествуваа дваесетина претставници на грантисти на Цивика мобилитас Програмата и истата беше реализирана од страна на Сајмон Форестер, меѓународен експерт на програмата.

Учесниците на работилницата, разменија свои досегашни искуства поврзани со социјалниот маркетинг, се запознаа со концептот и стратегиите за социјален маркетинг, формулирање на стратешките цели за социјален маркетинг, но и се презентираа идеи за користење на социјалниот маркетинг во својата работа.

По одржување на работилницата, на 22 април, тим од Цивикапредводен од интернационалниот тим лидер Petrus Theunisz, заедно со меѓународниот експерт Simon Forrester беа во работна посета на канцеларијата на Организацијата на жените на општина Свети Николе. На средбата се разговараше за искуството од Цивика програмата, идеи за организациска оддржливост и развој, развој на стратегија за социјален маркетинг, приближување кон целните групи и нивно активирање, подготовка на кампањи итн.