Организација на жените на општина Свети Николе во континуитет работи на зајакнување на капацитетите на своите членови и поддржувачи вклучувајќи ги во низа настани, активности, работилници на Организацијата и во соработка со повеќе партнерски организации од Македонија и од странство.

Во соработка со Совет за превенција против малолетничка деликвенција, СППМД од Кавадарци, две волонтерки од Организацијата од 17 Април до 01 Јуни 2016 година како EVS вонтерки се вклучија во подготовка, промоција и организација на 17-сетиот Интернационален Бодрумски фестивал на танци 2016, кој се одржи од 24 до 29 Мај во Бодрум, Р.Турција. Проектот „Where Passion Ignites Inspiration“ финансиски поддржан од програмата Еразмус+ се реализира од страна на Турската организација „Bodrum Dance Club Association“.

Во соработка со Совет за превенција против малолетничка деликвенција, СППМД од Кавадарци, волонтерка и волонтер од Организација на жените на општина Свети Николе од Јуни 2016 година до Февруари 2017 година се вклучени во реализација на EVS проектот „Be the part of BIT“ кој исто е дел од Ерасмус+ програмата, а се реализира во Ч’рномељ, Р.Словенија.

Во соработка со Волонтерски Центар Скопје (ВЦС) од Скопје, волонтер и волонтерка од ОЖОСВН во Мај зедоа учество на Тренинг курс Seeds for sustainable development дел од програмата Еразмус +, а во реализација на Environment engineering group, Нови Сад-Србија. Тренинг курсот се одржа во Рудник, Србија.

Волонтери и волонтерки од Организацијата во периодот Април-Јуни посетија обуки во организација на ХЕРА, ЦИД Куманово, ЦИВИКА МОБИЛИТАС, Институт за демократија, Фондацијата ФОКУС од Велес и др.