Во склоп на кампањата на 18ти февруари во соработка со СОУ „Кочо Рацин“ од Свети Николе се одржа еднодневна работилница со младински лидери и претседатели на класови од училиштето. На работилницата учествуваа 21 претседатели/ки и претставници на класови од сите години и се дискутираше на темата „Младинско информирање“, односно проблеми со кои се соочуваат младите и кои се нивните потреби во однос на информираноста за прашања и теми од нивен интерес. На самата работилница произлезе дека младите од општина Свети Николе многу малку се информирани за теми и настани од нивен интерес и на локално ниво нема воспоставен никаков механизам за споделување на информации дирекно до младите, дека имаат потреба од Информативна табла каде прегледно ќе бидат поставени активности на организации и настани од интерес за младите.

Кампањата е водена од Младинските Информативни и Советодавни центри ИНФО СЕГА од Прилеп и Кавадарци во соработка со Агенција за млади и спорт и Коалиција СЕГА, а истата ќе ја споведат организации: ИНФО СЕГА Прилеп и Кавадарци, Коалиција СЕГА, ИМКА Битола, Сфера Битола, Младински Совет Прилеп, Волонтерски центар Скопје, АЛДА Скопје, Организација на жените на општина Свети Николе и АЦЕ Кавадарци.