Организација на жените на општина Свети Николе во соработка со Младински сојуз од Крушево ја реализираа младинска јавна дебата на тема „Младинското учество во пракса – градење на ефективно “млади –возрасни” партнерство“.

Дебатата се оддржа на 11 мај во Свети Николе како дел од проектот “Switch on: Youth Participation“ финансиски поддржан од Европска Младинска Фондација на која учествуваа повеќе од 40-тина учесници на различна возраст. Целта на проектот е подигање на свеста за младинското учество во македонското општество преку видео репортажи, циклус на јавни дебати во повеќе градови во Македонија и завршна конференција во Скопје.

Носител на проектот е Младински Сојуз од Крушево, а партнери во проектот покрај Организација на жените на општина Свети Николе се и: СППМД-Кавадарци, Европска Гледна Точка-Битола, Центар за рурален развој Бујрум-Куманово и Излез-Скопје. Во склоп на проектните активности беше спроведено истражување, снимена видео репортажа и изработено промотивно видео за младинско учество.