2015-06-Интернационална Конференција „Улогата на верата во надминување на сиромаштијата кај децата"

or you can choose your language below

активности

инфо

галерија

контакт

Интернационална Конференција „Улогата на верата во надминување на сиромаштијата кај децата"

Рахела Симеонова Манева, членка на Организација на жените на општина Свети Николе, по покана на Здружението на жени за меѓурелигиски дијалог, семејството и општеството „Мозаик" од Високо, Босна и Херцеговина зеде учество на Интернационална Конференција „Улогата на верата во надминување на сиромаштијата кај децата". Конференцијата се одржа од 2 до 5 Јуни 2015 година во Сараево, Босна и Херцеговина во организација на Action for Children – Arigatou International со учество на 100-тина учесници од Босна и Херцеговина, Хрватска, Молдавија, Србија, Македонија, Црна Гора, Индија, Шри Ланка, Непал, САД, Франција и Кенија. Целта на конференцијата е да се даде придонес во надминување на сиромаштијата кај децата во светот.

На конференцијата беа истакнати повеќе прашања кои се важни и влијаат во надминување на сиромаштијата кај децата, како што се:

1. Решавање на конфликтите и градење на мирот, обезбедување на безгрижно детство на секое дете и посветување на целосно внимание на децата. Растот и развојот кај едно дете е невозможен без мир.

2. Земање во превид правото на глас и увид кај децата кои не треба да се гледаат како беспомошни жртви.

3. Грижа за семејството кои се важен сегмент и надминување на родовата нееднаквост која е поврзана со клучните прашања на детската сиромаштија

4. Третирање на ранливите категории во заедницата како што се децата без родители, децата невести како и жртвите на семејното насилство.

5. Улогата на верските заеници во одбележување на позитивните аспекти и нивно вклучување во надминување на сиромаштијата кај децата

6. Надминување на нееднаквоста помеѓу богатите и сиромашните во заедницата, справување со прашањето на нееднаквост и повик за поединечни и заеднички акции за надминување на сиромаштијата кај децата.

На крајот на конференцијата Rev. Fred Nyabera, директор на Action for Children – Arigatou International повика за спроведување на акции за надминување на детската сиромаштија со порака до сите учесници: „Вие не може да го промените целиот свет, но можете да го промените целиот свет за едно дете".

Учесниците на конференцијата донесоа заклучок дека е неопходно ангажирање на сите засегнати страни во борбата за надминување на сиромаштијата и дека голема улога ќе треба да одиграат владите и владините институции, верските заедници, социјалните работници, наставниците, волонтерите, граѓанските здруженија.

Јавниот настан беше проследен со посети на значајни историски и верски институции и домот за деца без родители во Сараево.

Организација на жените на општина Свети Николе