english

or you can choose your language below
 

профил

активности инфо галерија контакт
 

 ПРОМОВИРАЊЕ НА АКТИВНО МЛАДИНСКО УЧЕСТВО НА ЛОКАЛНО НИВО ПРЕКУ ВОЛОНТИРАЊЕ - 70 НОВИ ВОЛОНТЕРСКИ ПОЗИЦИИ ВО ЛОКАЛНИОТ ВОЛОНТЕРСКИ СЕРВИС

Организација на жени на општина Свети Николе по четврти пат успешно го реализираше проектот „Локален Волонтерски Сервис“. Носител на проектот е Младински културен центар – Битола (Волонтерски центар на Македонија), а како партнери во имплементацијата на проектните активности во четвртиот циклус од проектот, покрај нашата Организација беа вклучени уште 5 невладини организации односно Волонтерски Инфо Точки (ВИТ) и тоа Младински образовен форум – Скопје, СППМД - Кавадарци, Младински совет - Охрид, Агтис – Прилеп и Институт за развој на заедницата – Тетово.

Со реализацијата на проектот во 2012/2013 беа опфатени 70 волонтери и повеќе од 50 јавни институции/организации и државни органи. 70 волонтери и 70 претставници на институции односно супервизори на волонтерите, првично добија обука во областа на волонтерски менаџмент, а потоа се креираа и реализираа 70 волонтерски места при што беа опфатени над 6000 корисници на волонтерските услуги (граѓани).

 

Во општина Свети Николе беа реализирани 8 волонтерски места, односно по двајца волонтери во Фондот за здравствено осигурување-Свети Николе, двајца волонтери во Основен суд-Свети Николе, еден волонтер во Агенција за катастар на недвижности, еден волонтер во Дневниот центар за лица со посебни потреби, еден волонтер во Центарот за жртви од семејно насилство и еден волонтер во ОО Црвен Крст-Свети Николе. За сите волонтери беше обезбеден надоместок за покривање на трошоците за пат и исхрана за период од 3 месеци, а волонтерите беа секојдневно ангажирани во работните денови по 4 часа но по потреба и повеќе часа. Волонтирањето започна во почетокот на февруари.

 

Реализираните проектни активности ќе придонесат за имплементација на Законот за волонтерство во РМ донесен на 2 Јули 2007, со што се овозможуваат нови пристапи за организирано волонтирање. Целта е да се надминат поранешните состојби на непланско и неорганизирано волонтирање кога волонтерскиот труд не беше ценет и најчесто беше поистоветуван со неплатен труд или губење на време.

Организација на жените на општина Свети Николе

 
 

прва страна | профил | активности | инфо | галерија | контакт
© 2003-2013 Организација на жените - Свети Николе.
Сите права се задржани Webmaster