Во периодот Август-Октомври 2014 година Организацијата на жените на општина Свети Николе го реализира проектот „Истражување за застапеноста на судир на интереси и корупција во јавната администрација во општина Свети Николе, при распоределба на средства од општинскиот буџет за здруженија на граѓани и ранливи категории на граѓани“ кој е дел од проектот „Граѓанска мрежа за спречување на конфликт на интереси во јавната администрација“ - финансиран од Европската Унија, а во реализација на Институт за демократија „Социетас Цивилис“ – Скопје (ИДСЦС), Охрид институтот за економски стратегии и меѓународни односи (ОИ) и Македонскиот институт за медиуми (МИМ).

Истражувачкиот тим на Организацијата на жените на општина Свети Николе спроведе истражувачки активности преку кои дојде до подетални податоци и информации за распределбата на финансиските средства од буџетот на општина Свети Николе, наменети за локалните здруженија на граѓани и ранливи категории на граѓани за период од 2010 до 2013 година Истражувачкиот проект беше структуриран во два дела:

• Деск истражување преку кое се добија податоци кои се достапни во електронска или печатена форма, а се одлуки на Советот на Општина Свети и информации за тоа кои здруженија на граѓани се регистрирани и активни на територијата на Општина Свети Николе.
• Анкетно истражување опфати 23 претставници на активни здруженија на граѓани од Општина Свети Николе и, од друга страна, лицата од Одделението за даноци и буџет при локалната самоуправа Свети Николе, кои потполнија прашалникот за споредбена анализа на информации во однос на двете ставки од буџетот кои се цел на истражувањето.
• Фокус групи беа реализирани со 8 претставници од здруженија на граѓани и двајца претставници од локалната самоуправа и група од ранливи категории на граѓани кои добиле или биле одбиени за финансиска поддршка од страна на Општината.

Резултатите од истражувањето беа објавени во анализа и истите беа презентирани пред пошироката јавност на трибината на 06.11.2014 година .

Анализата даде јасна слика за состојбите во делот на појавите на судир на интереси и корупција во јавната администрација на локално ниво и нивото на транспарентност при распределба на средствата од општинскиот буџет за здруженијата на граѓани и ранлива категорија на граѓани.

Медиумска покриеност на ТВ СВЕТ:

http://www.tvsvet.com.mk/2014/11/07/%D1%98%D0%B0%D0%B2%D0%BD%D0%B0-%D1%82%D1%80%D0%B8%D0%B1%D0%B8%D0%BD%D0%B0/

Организација на жените на општина Свети Николе