На 20-21 Февруари 2009 во просториите на хотел Овче Поле , Свети Николе се одржа дводневен семинар на тема Човекови права и Дискриминација. Семинарот беше одржан во рамките на проектот “Свет без дискриминација” кој е финасиран од УНДП.

Главна цел на семинарот е промовирање и едуцирање за концептот за човекови права и поимот за дискриминација.

На семинарот присуствуваа 15 професори од основните училишта и средното училиште од општина Свети Николе .

Фасцилитатори на обуката беа Даниела Панева и Благица Качанска.

-Запознавање со концептот на човековите права и нивното настанување;

-Видови на Човекови права;

-Механизам за заштита на Човекови права во домашниот и меѓународниот правен систем;

-Основни поими на Дискриминација;

-Дефинирање на стереотипи и предрасуди како основи на Дискриминација;

-Почитување на разликите и прифаќање на сличностите;

-Дефинирање на ранливост и идентификување на ранливи групи во РМ;

Програмата за работа беше распоредена во два дела , првиот дел од програмата се состоеше од теоретски дел:
-воведен дел за основите на Човековите права, дефинирање и толкување на поимот Човековите права , видови на Човекови права;

-преставување на механизмот на заштита на човековите права во случај на повреда , во домашниот и меѓународниот правен систем (наведување на инструментите за заштита за човекови права , тела на заштита - комитети и нивната улога);

-воведен дел за основните поими на Дискриминација,стереотипи и предрасуди , идентификување на ранливи групи во РМ;

Вториот дел од програмата се состоеше од практичен дел: вежби во групи (анализа на случаи) и играње улоги .

На крај од работилницата се сумираа заклучоците од учесниците-професори за фактот каква демократија постои во државата , дали има владеење на правото во нашата средина ,дали има прекршувања на човековите права и изнаоѓање на начини за заштита на истите .

Воедно професорите потполнија и евалуациони листови за потребата од организирање на вакви семинари со тема од промоција за човекови права како и оцена за работатат на едукаторите.