“Организација на жените на Општина Свети Николе“ го реализараше проектот „Млади во акција – вистина или предизвик”, кој беше финансиски подржан од Агенција за млади и спорт на Република Македонија.

Промоција на програмата Млади во акција на Европската Комисија и стекнување на способности за начинот на аплицирање во оваа програма.

Дводневна обука одржана на 20 и 21 септември 2008 година со учество на 20 членови од 20 младински НВО и Организации кои работат со млади (од разни делови на Република Македонија), преку која ќе ги зајакнат сопствените капацитети и капацитетите на нивните НВО за директно вклучување во програмата Млади во акција.

Семинарот се одржа на 20 и 21 Септември на кој учествуваа 20 млади од повеќе градови во Македонија со различна верска, социјална и полова припадност. На првиот ден од работата се започна со презентирање на официјалниот видео спот на програмата Млади во акција, а потоа следуваше работниот дел каде се презентираа програмите: Млади од 2000-2006 година и Младите за Европа од 1989-1999 година и целата програма Млади во акција на Европската Комисија 2007-2013 која е продолжение на претходните две програми. На оваа презентација беа прикажани сите составни делови на програмата Млади во акција: цели, приоритети, нејзини имплементатори, значајни карактеристики, структура по акции и суб-акции и корисни линкови. Учесниците на семинарот беа запознаени со улогата на Националната Агенција за Европски Образовни Програми и Мобилност.

На 21 Септември, претставници на една од контакт точките на програмата Млади Во Акција за Македонија - Creactive – Скопје, Драган Атанасов и Драган Маркоски, имаа свое излагање пред учесниците, при што го објаснија начинот на кој е организирано раководството на Програмата Млади во акција, значењето и функцијата на контакт точките и активностите на Creactive. И на крај имаше презентација на начинот за потполнување на апликацијата за акцијата 3.1 од програмата Млади во акција, почнувајќи од писмото за повик, изборот на партнерите, испраќање и примање на делот парт III од апликацијата, како и потребната документација која треба да се приложи со апликацијата.

Очекувани резултати

• Стекнати знаења, способности и ставови за соочување со големите предизвици на Европското општество.

• Воспоставување соработки кои водат до подобра комуникација и истакната важност на културно збогатување засновано во различноста и размената на искуствата.

• Интегрирани млади во мултикултурниот свет

• Вградена европска димензија во локалните и националните контексти

• Креирање идеи за проекти за програмата Акција 3.1

• Стекнати знаења и вештини во рамките на водичот Млади во акција (Акција 3.1)

• Стекнати способности и вештини за основните принципи за проектен менаџмент, за претворање на идејата во проект и за пишување на предлог проекти (Акција 3.1)

Ноември 2008 година
Ивана Јорданова
Организација на жените на Општина Свети Николе