Во овој број на нашиот електронски весник "ВАВИЛОН" може да прочитате за:

ПРЕТХОДНИ БРОЕВИ НА ЕЛЕКТРОНСКИОТ ВЕСНИК  "ВАВИЛОН" (кликни)

До кои граници би отишло слободното мислење на младиот човек. Се прашуваме дали тоа, познава граници и ограничувања. Како некој залутан чун во разбранувано езеро младиот човек плови со неговите лични визии, идеи и сфаќања на денешниов замрсен од прашања и скромни одговори свет. Влегувајки од ден на ден во реалниот свет и обидувајки се да ја сватиме поентата на животот, стекнувајки се со нови работи, иако животот и се на светот е толку комплексно и сложено што не може туку така да го определиме почетокот и крајот на нештата, и како што животот ни покажува постојано: нема ништо сосем ново на светот. Помалку искусен од животните збиднувања одејки нанапред влегувајки во колоната на животните патишта, стремејки се да ја оформи својата личност и во неа да се препознае себе си , неретко се случува размислувањето да го наведе во погрешна насока, односно, да излезе од движењето на правиот пат, и да стане заложник на денешните современи пороци на младината. Најчесто неискусвото, љубопитноста, желбата да се проба, лошото друштво, се причините за падот на младинците во канџите на нескротливото зло. Ретко кои се враќаат назад , и ако се вратат треба да почнат од почеток и да градат нешто што веќе е срушено. Но не е се залудно, размислувајки во животот за што вреди да се живее како и за што живееме, за убавините на животот, убавите искуства кои не инспирираат. Чекорејки сигурно нанапред гледајки ја светлината пред себе, и уживајки во животните задоволства кои ги носи животот со себе. Затоа драги читатели живејте го животот на начин на кој што вие посакувате да живеете. Бидете свои на свој начин бидете среќни вие и тие околу вас бидејки животот е премногу краток и оди во неповрат. Уживајте во животните радости и бидете сопствени режисери на сопствениот живот кој продолжува со неговиот тек, кој сакале или не некогаш бавно а некогаш пребрзо минува и оди во неповрат!

jaslicno_dare@yahoo.com

За мојата нова љубов

Мислев дека нема да се случи тој ден кога ќе ја заборавам мојата прва но и голема љубов. Ете дојде тој ден кога се случи тоа. Случајностите на нашите заеднички погледи се зголемија. Ти и твојот лик, прекрасните плави очи, немирните перчиња од твојата коса ми помогнаа да си ги залечам длабоките рани од една љубов за која што мислев дека нема никогаш да згасне. Кога те погледнав мислев дека шансите да те засакам се многу мали бидејќи неговиот лик се беше врежал длабоко во мене и како некоја внатрешна сила да го туркаше тоа во минатото и го ставаше во списокот на неуспешна љубовна авантура. Стиснувајќи го тоа ти се вовлече внатре и го избриша неговиот лик засекогаш. Но до кога ќе трае оваа љубов кон тебе. Дури ни што имаш девојка не ме спречува да те сакам и се надевам дека има надеж за нас двајца.

Ивана Златева

Најубавиот човечки период полн со разновидна животна сочност секако е младоста. Самото име потикнува на животна смисла, богатство на еден народ, убавина, љубов, сила, а тагата по неа е уште еден доказ за нејзината возвишеност.

Да се одгледа, воспита, и наобрази една личност е трнлив пат, но сепак благодарен зошто ако плодот созрее, а тоа се случува пред нашите очи тогаш создаваме човек, го поведуваме напред по патот на животот.

Динамичноста на животот, бурната современост е исполнета со убавина но и многу неизвесност. Дел од нив стануваат судбина на личноста, а со тоа и на семејството, средината и општеството. Во тој метеж на мисли во распагањето на размислувањето понекогаш сме немокни се затвараме во својот внатрешен свет немокни да излеземе или пак се случува да излегуваме пребрзо , пребзо од себе губејки се во лавиринтот на надворешниот свет. А токму тука помегу радоста и тагата, силата и немокта во отсуство на животен оптимизам, во отсуство на борбеност стануваме жртва на алкохолот, дрогата, цигарите.

Во што е смислата на овие три пеколни збора?

Пијам, пушам, се дрогирам.....

Внесениот алкохол, испушениот никотин, или земената дрога ја започнуваат својата демонска церемонија и тогаш започнува да владее една нова состојба која не одвлекува од сивилото на тешкотиите и во тој момент чуствуваш олеснување на животниот Товар.

Ако сакаш само еден ден срека опијани се - рекол Тагоре.

Ако сакаш само еден ден надвор од реалноста дрогирај се-велат многу но болката нема да се смири, нема да се намали а радоста нема да се зголеми. Затоа ова другарување би било добро да заврши тука само за еден ден или никогаш и да не започне.

Во таков случај не би имале болни, осамени, зависни,,мртви......

Се обидувале и се усте се обидуваат но препреките се рушат и чекорот продолжува напред. Овие пороци не упатуваат само во погрешна насока која води само до самоуништување кон мрачна иднина. Се започнува со само една цигара се уништува чувството за мирис, кожата почнува да старее, се нарушува работата на белите дробови и следното е дека ти си зависник од цигарите. Со цигарата продолжуваш и со алкохол кој за некого е почеток на денот и крај на нокта. Ако не го консумираш стануваш избезумен, неспособен за работа. Алкохолот го уништува угледот на младите во нивниот круг и пошироко .Првин цигара па чашка алкохол и на ред е дрогата .За неа знаеме од телевизија , од весници, а од скоро за неа слушаме дека е присутна и мегу нас. Дрогата е билет во еден правец. Штом тргнеш по тој пат веке нема вракање назад. Првин ја земаш, а потоа таа тебе те зема. Младиот човек во потрага по идеалното сака да влезе во свет со чудни бои без никакви грижи свет кој прави да се чуствуваш пријатно а потоа полетуваш , се оддалекуваш од најблиските од саканите .

Ние како млади луге чија примарна цел е здрав, убав спокоен живот за да ја постигнеме нашата лична срека трба да сме цврст бедем и пред сето ова да застанеме со едно цврсто, решително НЕ зошто тоа е мој живот, а господар сум јас.

Чуден е човечкиот разум. Имаме голем напредок во науката, техниката, културата, а расте и оружјето за самоуништување. Ова е парадоксот на денешницата. Бараме убавина , добиваме самоубијци кои се лишуваат од својот младешки живот. Уште еден парадокс - се гнасиме од нив но сепак се дружиме со нив. Затоа целта на секој поединец , секој здрав човек е да ја пренесува вистината за злото што не демни и се што ке превземе да биде силно мотивирано од името на човекот и човештвото и на напредокот на човекот.

Совесен млад човек сака својот мозок да го употреби а не да го уништи. А тоа значи дека е човек, а човек од памтивек го одржува зборот - борба.

Борба да се одржи во природата;

Борба за повисока интелигенција;

Борба за профит;

Борба или триумф;

Борба за освојување на нови територии;

Борба за да се симнат прангите на зависноста од некој и нешто и да се тргне напред во борба за спокоен живот кој ке ги прими младите во свое успокојство и блаженство.

Затоа Во името на трезвеноста во името на непоматениот ум треба да се бориме за животна мотивација , за позитивно амбициозни луге кои ке умеат да креираат , творат, да се дружат, да го освојат светот со своите знаења, иновации со здрав интелект. Но злото не е само на оној што го прави туку и на оној што може, а не го спречува. Ние самите сме тие кои можеме да речеме НЕ и да бидеме погодна почва за мирен, срекен живот.

Возрасните нека ги подржат младите и нивните напори , и со силна подршка трба да се покаже како трба да се дојде до вистинската цел на животот.

Слободанка Ефремова

наставник

Еколошка чиста средина и добро здравје

Екологија е наука за заштита на животната средина. Ние треба да ја чуваме нашата околина, а не да ја загадуваме и да ги уништуваме нејзините убавини, затоа што таа ни возвраќа на ист начин ако ја чуваме. Но сепак најголем загадувач и штетник на животната средина е човекот. Поради неговата несвесност и неодговорност страдаат голем број реки, езера, како и почвата и воздухот. Со појава на науката и техниката се изградуваат голем број на фабрики, кои се главни штетници на нашата средина. Отпадните води од фабриките одат дирекно во реките и околните места, и уништуваат голем број растителен и животински свет. Од фабричките оџаци излегува чад кој придонесува до ширење на озонските дупки, што претставува опасност по нашето здравје. Исто така големи загадувачи на животната средина се и автомобилите. Тие го загадуваат воздухот на тој начин што при согорување на обичниот бензин тој исфрла издувни штетни гасови. Затоа во поново време е во тренд е се по намалената употреба на обичен бензин, а во употреба е безоловниот бензин со кој ќе се подобри нашиот живот, како и животот на нашата средина. Освен реките и езерата, загадени се и морињата, од пловидбата на сообраќајните превозни средства и од многубројните притоки кои со себе носат голем број отпадоци, кои придонесуваат за нивно загадување. Ние сакаме да имаме чиста животна средина, но затоа треба да превземеме некои мерки, кои ќе ни помогнат да дојдеме до саканата средина и подобро здравје. Но прво треба да го решиме проблемот со најголемиот загадувач фабриките. На фабричките оџаци треба да се постават филтри, кои ќе го намалат загадувањето на средината. Највеќе треба да се советуваат децата уште од мали да ги фрлаат отпадоците во канта за отпадоци, затоа што ако не се советуваат сега во иднина ќе го прават спротивното кое не и одговара на мајката природа. Најголеми прочистувачи за нас, претставуваат шумите, па затоа треба да посадуваме и дрвја кои ќе не спасат и ќе не доведат до чиста средина и подобар живот.

Марија Петкова

Млади и неоткриени таленти

Ниеден човек не се родил со знаење во неговата глава, туку знаењата ѓи стекнал со тек на времето и со помош на причините кои го влечат за да постигне успех.

Ни Бетовен не се родил со претходни знаења за музиката но со својот талент, но музиката го привлекувала и... тој станал еден од најпознатите музичари во светот. Но ни Леонардо Да Винчи не се родил со слика пред него, тој бил познат уметник, но за да дојде до тоа тој за сите представувал НЕОТКРИЕН ТАЛЕНТ. И еве... од овде почнува целта која сакам да ја кажам. Сакам да кажам дека во светот постојат многу личности кои се млади неоткриени таленти за било која работа, можеби и јас сум неоткриен талент, можеби ти, но сепак со многу трпение и време ќе се откријат талентите, и светот ќе го потполни местото кое беше резервирано за идните уметници, музичари, спортисти... но сепак време е да почнам јас, и вие да ги откриете талентите кои се во вас, да не ги задржуваме за себе, и да му покажеме на секој, што живее во нас, и што ќе биде од нас помладите. Не дозволувајте да ви ја променат мислата за иднината, не дозволувајте да ве разбудат од сонот кој го сонувате долго време, но знајте дека каков и да е талентот, каква и да е духовноста во вас, сепак вреди да се покаже, затоа што можеби и вие ќе се споменувате во некои списаниа, текстови... зар не го сакате тоа, зар сакате да ве сметаат сеуште за неоткриен талент?

Марија Петкова

Музиката го примила моето срце и ја облагородува душата

Шумолат брезите, се нишат гранките на жалната врба која ги мие своите коси во бистрите езерски води. Се бранува езерото и удира во карпите распрснувајки се во ситни пенливи капки, а мене ми ѕунат звуци од најголемиот оркестар кој ја свири својата најубава рапсодија.

Се вртам наоколу. Каде се музичарите?

Кои се тие инструменти што испуштаат толку милни звуци кои ја разгалуваат и облагодаруваат душата? Не ги нема. Тоа е моето срце заробено во прангите во музиката и нејзините акорди.

Со кое име да се означи музиката , чии извори се совпаѓаат со потеклото на човештвото, чија ѓеографска распространетост ги зафака сите делови на светот со различна цивилизација, а сепак исполнети со музика. Звукот на балалајката во далечниот Сибир, ударот на тапаните во пустинските ноќи на Африка, шпанскиот танц пропратен со заносните звуци на гитарата, бузуките покрај брегот на Егејот и писокот на зурлите во мојата Македонија е музика која не зависи ниту од пишани композиции, музички теории и системи. Таа преставува наследство од етнички генерации кои опстојуваат во свеста на различни народи. Таа не познава граници и мередијани. Зар за неа не треба визи и пасоши. За неа нема боја раса и вера. Со неа се најавува доагањето на нов живот, и заминувањето од него. Можеби сето тоа претставува ембрионален, примитивен музички свет, но преку неа се нуркаме во тајните на магиското дејство на звукот понесени од творечката имагинација. Посакуваме да го оживееме епот на исконската историја влегувајки во опасност таа маѓиска мок да завладее со нашиот дух. Силата на музиката нечујно навлезе во секоја пора на моето и на туѓите битија, а моето срце со раширени раце ја прими за да другарувам со неа во радосни мигови , да ме разголува во моите младешки ноќни лудувања или да ме теши во моите љубовни таги.

Музиката ми го опи умот и загосподари со моите чувства. Таа го спои моето нереално имагинарно, моите детски чувства со моето денешно битие. Таа ме поведе во еден нов свет на моќта нејзина и проникнав во неа, во нејзината рустичност.

Таа ме понесе на своите крилја, ме внесе во нејзините двори, во нејзиниот свет. Таа беше космичка казна: да ме сака и да ја сакам-музиката. Таа е пеперутка која постојано ја гониш и никако не можеш да ја фатиш. Секоја нок се раѓаат илјада ноти, а секое утро згаснува по една нота и кога ја барам душата на таа нота музиката ја барам како школка на морското дно, а јас сум нуркач на кој не му е потребна опрема. Музиката е во моето срце, таа ми ја облагодарува душата и ме води напред кон површината а таму ме чека иднината-животот. Па и таму и тогаш се нека биде музика.

Слободанка Ефремова

наставник

Северецот почна да ја губи својата сила. Во воздухот затрепери свежото и нежно ветре развигорче. Од неговото голење кокичето ги отвори своите бели, снежни цветчиња. Неколллку дена по нивното доаѓање пристигна принцезата Пролет со својата раскошна кочија. Природата полека и незабележливо се менуваше. Пролетта ја распосла својата зелена коса насекаде . Од својата кошница ги извадисите цветови и ги расфрла по дрвјата. Опојниот мирис од цвекињата ги натера првите гости ,пчелките да почнат да собираат полен. Славејот со својата милослива песна ги повикуваше децата за весела игра. Сонцето со своите златни зраци ја посребрени водата во потокот. Тој започна да жубори и да ја излева својата животворна песна. Мечките се разбудија од зимскиот сон и започнаа да крадат мед од вредните пчелки. Пролетта ги облече дрвјата во разновидна , богата руба. Зелениот килим го красеа шарените цвекиња и веселиот танц кој го виеја шарените пеперутки. Овчарот ги истера своите стада да пасат млада , сочна трева. Бели како снег јагненцата рипкаа покрај своите мајки и грицкаа зелена, мека трева. Пролетните облачиња ги испуштија своите први сребрени капки. Просторот се исполни со веселиот птичји пој и мирисот од цвекињата. Зуењето на пчелките и опојниот мирис од цвекињата се вистинска слика на пролетта. Пролетта насекаде распосла радост. Радосни се цветчињата оголени од топлото сонце, радосни се и птиците што се вратија во своите гнезда. Но најрадосни сме ние што влеговме во светот на кралицата Пролет.

Цветанка Илиевска

Разликата меѓу лидерите и следбениците

Си бил еден дедо кој со своето внуче, кое имало шест седум години, и со своето магаре тргнале на пат. Дедото се качил на магарето, а детето одело пешки. По пат сретнале некои луѓе кои почнале да коментираат колку е лош дедото што го оставил кутрото дете да оди пешки, а тој се качил на магаре. Дедото кога слушнал тоа се засрамил, се симнал од магарето, го качил детето, а тој продолжил пешки. Попат сретнале некои луѓе кои изустиле дека дедото е многу глупав - детето младо здраво, го качил на магаре, а тој старец едвај оди пешки. Дедото кога слушнал се качил и тој на магарето и го продолжиле патот, двајцата на магаре. Понатаму сретнале друга група луѓе кои рекле - за гревови, магарето ќе го умрат и двајцата се качиле на него, будала старец. Дедото кога го чул тоа се симнал од магарето, го симнал и детето и продолжиле и двајцата да патуваат пешки со магарето. Но, по патот сретнале луѓе кои почнале да викаат и да се смеат: колку се глупави имаат магаре, а одат пешки. Значи, ако во животот секогаш се следи она што го зборуваат другите нема да стигнеш никаде и затоа треба единствено да го следиш својот пат - да размислиш добро, да имаш јасна визија и да го правиш најдоброто. Тоа е разликата меѓу лидерите и следбениците.

ГАЛЕРИИ

МОДЕЛИ

			Емилија ЈАКИМОВА

КАРИКАТУРИ

			Кирил ДАВИТКОВ

ВАВИЛОН КУЈНА

  на почеток=

ВИЦОТЕКА

2СМС ИЗБОР