english

or you can choose your language below
 

профил

активности инфо галерија контакт
   

Жените градат сигурна иднина во Р.Македонија преку имплементација на Резолуцијата 1325

Во рамки на проектот Жените градат сигурна иднина во Република Македонија преку имплементација на Резолуцијата 1325 подржан од UNWomen, а имплементиран од Организација на жените на општина Свети Николе во соработка со партнер организациите: ЗГ Ауреола од Струга, ЗГ Доверба од Куманово и Здружeние на албанската жена од Кичево, во тековната 2012 година ги реализираше следните активности :

1.Креирање на анкетни прашалници

Прашалникот беше креиран од страна на работниот тим на Организација на жените на општина Свети Николе и содржи 44 прашања, поделен во три групи на прашања:

I Дел - основни податоци за испитаникот;

Дел II - прашања поврзани со нивото на познавање со Резолуцијата на Совет за безбедност 1325 за жени, мир и безбедност;

Дел III - прашања поврзани со вклученоста на жените во процесите на одлучување во локалните заедници и нивната улога за зајакнување на меѓуетничкиот дијалог во заедницата;

2.Спроведување на анкетно истражување во општините Струга, Кичево и Куманово

Анкетното истражување се спроведе во општините Кичево, Струга и Куманово во период Декември 2011 – Јануари 2012. Со анкетата беа опфатени вкупно 600 испитаници – преставници од институции, на локално ниво од подрачни министерства, од локалната самопуправа, претставници на комисии кои се дел од Советите на општините, претставници на локални медиуми, на невладини организации, како и жени кои што не се активни во невладиниот сектор и се избрани по случаен избор.

3. Анализа на резултатите од истражувањето

Анализата ја спроведе стручно лице, а целта на анализата е:

- да го оцени нивото на познавање на локалната и централната власт т.е институциите, невладините организации и општа популација (жени и мажи) за важноста и принципите на Резолуцијата 1325 и

- да го оцени степенот и начинот на учество на жените во подобрувањето на меѓуетничкиот дијалог во општините, како и во процесите на спречување конфликти и посредување при конфликти;

4. Печатење на резултатите од анкетното истражување вклучувајќи и препораки за институциите

Брошурата со резултати од спроведеното анкетно истражување како и препораки добиени од одржаните форуми за заедниците беше испечатена во 300 примероци .

Анализата на резултатите, заклучоците и препораките од анкетата спроведена во рамките на проектот „Жените градат сигурна иднина во Република Македонија преку имплементацијата на Резолуцијата 1325“ можете да ја превземете на следниот линк:

АНАЛИЗА ОД ИСТРАЖУВАЊЕ (306 КВ)

5.Организирање на три дводневни семинари во општините Струга, Кичево и Куманово

Во период од Април - Јуни 2012 година се одржаа три дводневни семинари на тема промоција на Резолуција 1325. Семинарите беа организирани од страна на партнер организациите од трите општини, а ги фацилитираше г-га Дијана Стојановиќ Ѓорѓевиќ од ИСППИ. Во текот на дватта дена од семинарите се одржаа вкупно пет сесии. На почетокот на сесиите се презентираше анализата од истражувањето преставена преку родовата улога во општеството, стереотипните разлики како и предрасудите со кои секојдневно се соочуваме со нагласок на начинот на кој можеме да ги контролираме. Темите на сесиите беа следни: Родовата интеграција, Законската рамка за родова рамноправност во Република Македонија, Резолуцијата на Совет за безбедност 1325 за жени, мир и безбедност и Национален акциски план за имплементација на Резолуцијата 1325 во Република Македонија.

 
     
 

Семинарот беше интерактивен, содржеше повеќе групни вежби каде учесниците имаа можности да дават свои мислења и ставови за прашања поврзани со родовата еднаквост на жените во одлучувачките структури во заедницата и жените активни во политичките партии.

 
     
 

Како заклучок од сите три семинари од страна на учесниците произлезе потребата на граѓаните кои живеат во мултиетнички средини во континуитет да се одржуваат вакви тренинзи со цел изнаоѓање на решенија за проблемот со толеранција. Се потенцираше потребата од едукација на преставници вработени во институциите, односно на оние лица кои донесуваат одлуки како и сензибилизација на медиумите да не шират омраза на меѓуетничка база и да не се потикнува насилство

 
     
 
     
 

6. Печатење на промотивен материјал 1000 флаери

7. Одржување на форуми во општините Струга, Кичево и Куманово

Во текот на месец Мај-Јуни, Јули се одржаа 5 форуми, по два во Кичево и Куманово и еден во Струга.На форумите беше презентирана Резолуцијата 1325 користејки интерактивен метод за објаснување на четирите приоритетни области на Резолуцијата како и содржината на драфт верзијата на Национален акциски план за имплементација на Резолуцијата 1325. На форумите беа поставувани прашања и посочувани проблеми со кои се соочуваат жените во воспоставување на мирот и стабилноста на локално ниво.Беше разговарано за предизвиците за јакнење на улогата на жените во зголемување на мирот и безбедноста на локално ниво како и за активности кои треба да се превземат во иднина.

 
     
 

Даниела Панева
Организација на жените на општина Свети Николе

 
 

прва страна | профил | активности | инфо | галерија | контакт
© 2003-2012 Организација на жените - Свети Николе.
Сите права се задржани Webmaster