Како соработници при спроведување на активностите беа ЕХО – Штип, Еднакви за сите – Кочани и Здружение на социјални работници – Пробиштип.

Активностите се однесуваа кон унапредување на соработката и координацијата меѓу локалните актери во спречување и сузбивање на семејното насилство, преку креирање на Акциони планови за заштита и превенција од семејно насилство 2012/2013 година, дефинирање и поддршка на приоритетните активности определени според Акционите планови 2012/2013, како и формализирање на Локални Координативни Тела за заштита од семејно насилство (ЛКТ) од општините Свети Николе, Штип, Пробиштип и Кочани.

Спроведените активности резултираа со:

Креирани четири Акциони планови за превенција од семејно насилство 2012-2013, кои ги содржат активностите кои што членовите на ЛКТ ќе ги спроведуваат во определениот период. Изработените Акциони планови 2012-2013 беа доставени до Советот на општините Св. Николе, Штип, Пробиштип и Кочани со цел обезбедување поддршка од локалната самоуправа, за реализирање на дел од предвидените активности.

Поднесени барања до Советот на општините Свети Николе, Штип, Пробиштип и Кочани за формализирање на ЛКТ.

Официјализирани Локални Координативни Тела за превенција и заштита од семејно насилство, во општина Свети Николе и општина Пробиштип (постапката за официјализирање во Штип и Кочани е во тек).

Официјализирано членство ЛКТ со претставници од центар за социјална работа, полиција, локална самоуправа, здравство, образование, судство, јавно обвинителство, невладин сектор и верски заедници.

Од страна сите ЛКТ во четирите општини беше одредена по една активност која што според Акционите планови 2012/2013 е приоритетна. Активноста која ја спроведоа членовите на ЛКТ Свети Николе и ЛКТ Пробиштип е креирање и дистрибуирање на флаер и промоција на ЛКТ на општинско ниво. Во Штип беше организирана јавна дебата, додека во Кочани беа спроведени две едукативни работилници на тема “Семејно насилство и начини на заштита” со преставници од ромската популација.