Од 27 до 31 Октомври 2012 година во Баку, Азербејџан се одржа Младинскиот Форум "Youth Cooperation Beyond Borders” на кој учествуваше и нашиот претставник Александар Богатинов. Форумот како единствен настан од таков вид во последните шест години во Европа беше во организација на:
-SALTO за Источна Европа и Кавказ;
-SALTO за ЕуроМед земјите;
-SALTO за Југоисточна Европа ;
-Полската, Француската и Словенечката национална агенција за Програмата “Млади во акција”;
-Коорганизатори и домакини на форумот беа Министерството за млади и спорт на Република Азербејџан заедно со Младинска Фондација на Азербејџан;

На форумот во рамките на формираните работни групи беа презентирани и дискутирани потребите и достигнувањате идентификувани во истражувањето спроведено од страна на регионалните SALTO Ресурсни Центри за влијанието на програмата „Млади во Акција“ во:
- Развој на организациите и младинска работа во целина (во програмските и соседните партнерски земји);
- Локалните заедници (во програмските и соседните партнерски земји);
- Развојот на регионалната младинска политика;
- Признавање на неформалното учење;

Учесници на форумот: На форумот учествуваа 100 искусни младински работници од 36 земји (од програмските земји, од трите региони соседи на Европската Унија - Југоисточна Европа, Источна Европа и Кавкаски регион и Медитеранските земји) со искуство во проекти со земји соседи на Европска Унија во рамките на Програмата Млади во Акција. На форумот освен младинските работници учествуваа и раководни лица од Национални агенции, од три SALTO регионални центри и други релевантни Европски институции кои работат со млади и за млади.