Организација на жените на Општина Свети Николе е вклучена во имплементацијата на четвртиот циклус од проектот „Локален Волонтерски Сервис“ чиј носител е Младински културен центар – Битола (Волонтерски центар на Македонија) во соработка со 6 невладини организации односно Волонтерски Инфо Точки (ВИТ) и тоа Младински образовен форум – Скопје, СППМД - Кавадарци, Младински совет - Охрид, Агтис - Прилеп, Институт за развој на заедницата - Тетово и секако Организација на жени на општина Свети Николе.

За потребите на проектот го објавуваме повикот за пријавување на волонтери за пополнување на слободните волонтерски позиции. Корисници на волонтерските услуги ќе бидат: локалните самоуправи (општинските администрации) правосудните органи (Основни и Апелациони судови, јавни обвинителства), државни агенции на локално ниво и подрачни министерства. Една петтина од волонтерите ќе бидат сместени во граѓански организации кои работат на локално ниво. Потенцијални волонтери во овој проект се граѓаните со посебен акцент на младите невработени лица и студенти.