“Зајакнување на националните капацитети во превенција против семејното насилство”

Организација на жените на општина Свети Николе е носител на проектните активности од програма “Зајакнување на националните капацитети во превенција против семејното насилство”. Проектот финансиски е поддржан од УНДП, Холандска Амбасада и Министерставо за Труд и Социјална Политика.

Целта на проектот е промена на законската регулатива која го третира проблемот семејно насилство и заштитата на жртвите од семејно насилство.

Проектните активности започнаа од Септември 2009 година и ќе траат до 31 Декември 2009 година. Како проектни активности кои беа реализирани се:

Јавни Форуми на регионално ниво во: Штип, Кочани, Куманово, Тетово, Битола, Струга, Кавадарци, Струмица, Гевгелија и Скопје, со претставници од релевантните институции: Центрите за социјална работа, Полиција, Здравство, Судство, Образование и НВО-сектор.

Тема на Јавните Форуми беше Презентација на Националната стратегија за превенција од семејното насилство 2008-2011 година и разгледување на законската регулатива која го третира семејното насилство и заштита на жртвите од семејно насилство.

Тродневни Семинари за: претставници од Центрите за социјална работа, за претставници од НВО-сектор, претставници од Шелтер Центрите во Македонија и претставниците од медиумите во Македонија

Тема на семинарите беше “Сензибилизирање на семејното насилство, чекори за постапување и изработка на кодекс за соработа“.

Тркалезни маси во Битола, Кичево, Тетово, Велес и Куманово.

Тема на тркалезните маси беше “Чекори на постапување и механизми на упатување при заштита на жртвите од семејно насилство”.

Работилници со жени и жени жртви на семејно насилство во Тетово, Кочани, Кавадарци, Велес и Куманово.

Тема и цел на работилниците беше “Сензибилизирање и препознавање на семејното насилство”.

Работни и технички состаноци со Меѓународни консултанти-експерти за семејното насилство како проблематика

Целта на овие состаноци беше споделување на работните искуства и подобрување на соработката, заради зголемување на квалитетот на услугите што ги нудат институциите.

Подготовка и спроведување на анкетни прашалници за истражување на пазарот за избор на локални консултанти кои ќе шридонесат на оваа проблематика.