Во рамките на проектот “Креирање на услови за поправедно општество 2” финансиран од Шведската фондација KVINNA TILL KVINNA на 23-24.05.2009 година Организацијата на жените на општина Свети Николе го реализираше дводневниот семинар на тема “Управување со проекти”. На семинарот учествуваа 26 учеснички од 11 женски НВО-и: ОЖО Свети Николе, ОЖ Пробиштип, ОЖ Крива Паланка, ОЖ Гевгелија, ОЖ Струмица, ОЖ Кумановка, ЗЖ Искра - Битола, ОЖ Китка - Прилеп, Нов живот- Штип, ОЖ Кочани, Ауреола- Струга.
Целта на семинарот беше обука на членките на мрежата со цел зајакнување на нивните капацитети за изработка и реализирање на проекти. Учесничките во текот на семинарот се обучија како полесно да ги планираат проектните активности, да го напишат проектот и да аплицираат со цел реализирање на нивните проектни активности. Семинарот беше поделен во два дена така што првиот ден се обработија 4 теми за тоа што е проект, дефинирање на проблемите и потребите, анализа на заинтересираните страни и целните групи, дефинирање на целите и планирање на проектните активности. Во вториот ден се обработија две теми и тоа: утврдување на потребните ресурси за реализација на проектот, определување на индикаторите на успешност, ризиците и претпоставките кои можат да се јават при реализацијата на проектот и креирање на буџет на проектот. Исто така на учесничките им беше презентирана и постапката за аплицирање кај определени донатори. Секоја од темите се обработуваше по 90 минути.

Радмила Сандева Крстова
Организација на жените на општина Свети Николе