Во рамките на проектот “Креирање на услови за поправедно општество” финансиран од Шведската фондација Kvinna till Kvinna , на 30.06.2009 година се одржа еднодневна работилница за родови односи за членовите од Комисијата за еднакви можности при Советот на општина Свети Николе. На работилницата присуствуваа : Даниела Арсенова претседателка на Комисијата, Валерија Ивановска, Славица Панева, Стојче Анастасов членови на Комисијата и Маја Серафимова советничка во Советот на општина Свети Николе.

Целта на работилницата беше зајакнување на капацитетите на членовите на комисијата, со цел поуспешно планирање и спроведување на планираните активности на Комисијата во наредниот период. На работилницата, членовите на Комисијата се запознаа со основниот концепт на родовите односи, женските човекови права, најчестите форми на дискриминација и прекршување на првата на жените, начините и инструментите за заштита на жените жртви на овие прекршувања. Воедно се дискутираше за потребата од превземање на активни мерки и политики со цел подобрување на положбата на жените во општината. Членовите се информираа за начинот на работа и функционирање на комисијата и за можностите за заедничка соработка со женските НВО со цел подобрување на положбата на жените во општината. Членовите на Комисијата се запознаа со Законот за еднакви можности на жените и мажите. Од работилницата произлезе потребата за поактивно спроведување на активностите планирани со трогодишниот акционен план за родова рамноправност кој беше усвоен во 2008 година од страна на Советот на општината.

Радмила Сандева Крстова
Организација на жените на општина Свети Николе