Младите од програмата за деца и млади на ОЖО Свети Николе дел од конференцијата „Креирање на ефективни можности за младинско вработување"

На овој настан имаше вкупно 45 учесници од различни области односно од државни институции и организации и граѓански сектор, кои работеа на формирање препораки од следниве области: политики и мерки за вработување на различни категории на млади, мерки за подршка на претприемништво и самовработување, реплицирање на ЕУ гарантни шеми во Р.Македонија и децентрализација на мерките за младинско вработување.

Целта на оваа конференција беше, преку активно вклучување на младите и младинските организации со структурен дијалог со релевантните засегнати страни, да се формулира официјален документ со препораки за зголемување на младинското вработување и истиот да биде предаден до Министерството за труд и социјална политика. Со добиените препораки се очекува да се зголемат мерките за младинско вработување во приватните компании и да се допринесе за развој на претприемаштвото и самовработувањето на младите во Македонија.