Кампања за борба против ракот на дојка

Како дел од кампања за борба против ракот на дојка, на 29ти Октомври 2015 година, претседателката на Организацијата Г-ѓа Даниела Панева, кординаторката на здравствената програма Г-ѓа Билјана Димова и највозрасната членка во Организацијата Г-ѓа Виолета Мишева ги посетија ординациите во Здравствениот дом „Примариус д-р Ѓорѓи Гаврилски" Свети Николе, ПЗУ „д-р Гордана Митева“ и ПЗУ „д-р Панче Јосев" и дистрибуираа стотина едукативни флаери на матичните доктори и на присутните лица во здравствениот дом.

Организација на жените на општина Свети Николе, уште од 2000 година активно почна да работи на подобрување на здравјето на жените на локално и национално ниво. После двегодишно лобирање кај релевантните институции заедно со 16 НВО успеа да направи промена во Законот за здравствена заштита .

Организацијата почнувајќи од 2005 година па наваму , во континуитет работи и со група за самопомош, група од 40тина жени заболени и лекувани од оваа болест. Преку редовно организирање на едукативни работилници се пружа соодветна стручна психосоцијална помош и подршка на оваа група на жени од страна на стручни лица - доктор и психолог . Организацијата преку реализирање на вакви активности се стреми да ја зајакне самодовербата на жените од групата за самопомош за полесно надминување на последиците од болеста.