Документот за јавни политики ги содржи резултатите добиени од истражувачкиот проект „Истражување за застапеноста на судир на интереси и корупција во јавната администрација во Општина Свети Николе, при распределба на средствата од општинскиот буџет за здруженија на граѓани и ранливи категории на граѓани“ во реализација на Организација на жените на Општина Свети Николе, а кој е дел од проектот „Граѓанска мрежа за спречување на конфликт на интереси во јавната администрација“, спроведуван од Институтот за демократија „Societas Civilis“ Скопје (ИДСЦС), Охридскиот институт за економски стратегии и меѓународни односи“ (ОИ) и Македонскиот институт за медиуми (МИМ), а финансиран од Европската унија.

Споменатата анализа може да ја превземете на следниот линк:

Анализа за застапеноста на судир на интереси и корупција во јавната администрација во Општина Свети Николе, при распределба на средствата од општинскиот буџет за здруженија на граѓани и ранливи категории на граѓани (952 KB)

Организацијата на жените на Општина Свети Николе пред реализацијата на истражувањето, како проблем го идентификува немањето на доволно достапни информации за прибирање и трошење на средствата од општинскиот буџет, особено за распределба на средствата за невладини организации и ранливи категории на граѓани. Локалната самоуправа на Општина Свети Николе настојува да биде транспарентна во својата работа објавувајќи информации преку нејзината веб страница, локалните медиуми, брошури и сл., но, сепак, информациите кои ги добиваат граѓаните најчесто се за постигнатите позитивни резултати, но не и за конфликти на интереси и корупција во јавната администрација при трошењето на парите на граѓаните.

Целта на оваа анализа е да се даде јасна слика за состојбите во делот на појавите на судир на интереси и корупција во јавната администрација на локално ниво и нивото на транспарентност при распределба на средствата од општинскиот буџет за здруженијата на граѓани и ранлива та категорија на граѓани.

Овој документ дава појасна слика за распределба на општинските пари до локалните здруженија на граѓани и ранливите категории на граѓани, за соработката и поддршката во заеднички иницијативи и активности, како и за позитивните но и негативните практики.