Во текот на 2006 година ОЖО Свети Николе продолжи да работи со група на жени кои се заболени и лекувани од малигни заболувања . Оваа група се среќава веќе 2 години и активностите се реализират во рамките на проетот Унапредување на Здравјето на жените финасиран од Kvinna till Kvinna. Започнувајќи од Февруари се одржани 3 работилници . Целна група се жени кои се заболени или лекувани од рак на дојка и рак на матка . На средбите присуствуваат по 15 жени.

Заболените и лекувани жени од малигни заболувања на репродуктивните органи и рак на дојка обично немаат каде да добијат соодветна стручна психосоцијална помош . Во здравствените установи нема посебни служби кои даваат ваква помош. Законот за здравствена заштита не предвидува постоење на вакви служби кои даваат совети. По извршување на оперативните зафати и постоперативното лекување жените се препуштени самите на себе. Лекуваните жени се плашат отворено да зборуваат за својата болест и ја негираат самата болест. Постои голема затвореност на овие жени, страв од прифаќање од околината , имаат чувство на помала вредност и намалена самодоверба. Понекогаш се нарушуваат односите во семејството и се менува сексуалното однесување на жените.

На овие средби жените разговараат за своите здравствени проблеми со кои се соочуваат, а се како резултат на малигното заболување. Жените се учат полесно да ја прифатат својата болест , да се зајакнат самите и да продолжат нормално да живеат. Работејќи со жени кои имаат исти проблеми се овозможува меѓусебно да ги поделат своите проблеми и да добијат подршка . Овде се чувствуваат сигурно и обично излегуваат посамоуверени и поцврсти да се борат против болеста.

Работилниците беа водени од едукаторките д-р Гордана Митева и психологот Емина Петкова.