Проектните активности од проектот “Само здрави граѓани градат здраво општество” чиј носител е НВО - ЕХО од Штип продолжи и во тековната 2008 година Целта на проектот е да се изработи регионална стратегија за превентивна здравствена заштита за брегалничко струмичкиот регион , а воедно да се зајакнат капацитетите на невладините организации од овој регион .

Активно учество во креирање на јавните политики во областа на здравствената заштита земаат преставници од НВО-секторот, преставници од Локалните власти и здравствени работници од општините: Свети Николе, Кочани, Струмица, Виница, Штип, Пробиштип, Берово, Пехчево, Делчево и Радовиш.

Како континуитет на предходните обуки од 01-03 Февруари 2008 г. во Виница, хотел Слив се одржа тродневен семинар на тема ”Подготовка на локални акциони планови за промоција на здравје и превентивна здравствена заштита”,на кој се поставија контури на неколку Акциони планови од преставниците на сите општини.

Како идна активност, секоја група си презема за обврска да изработи локални акциони планови , според предходно утврдени приоритети од анализата на изработените анкетни прашалници , а чија бројка се прецизираше во однос на бројот на жители во самата општина. Крајна цел е изработка на регионална стратегија за превентивна здравствена заштита но поради проширување на групата , со влегување на НВО-Инфоцентарот од Скопје постои можност оваа активност да се прошири и во западниот дел на Македонија т.е. да се одредат приоритетите во општините од Западна Македонија и да се изработи и прифати како една национална стратегија за превентивна здравствена заштита.