македонски

english

профил

активности инфо галерија контакт
 

Организација на Жените на Општина Свети Николе заедно со уште 9 општини учествува во спроведувањето на проектот "Само здрави граѓани градат здраво општество". Носител на проектот е ЕХО (Едукативно-хуманитарна организација) од Штип а проектот финансиски е подржан од The Balkan Trust for Democracy a project of the German Marshall Fund of the United States.
Целта на проектот е изработка на регионална стратегија за брегалничко струмичкиот регион како и зајакнување на капацитетите на невладините организации и активно учество во креирање на јавните политики во областа на здравствената заштита заедно со преставници од Локалните власти и здравствени работници од општините: Свети Николе, Кочани, Струмица, Виница, Штип, Пробиштип, Берово, Пехчево, Делчево и Радовиш.

 

Првата дводневна работилница на тема "Мрежно работење за влијание на здравствените политики" се одржа во месец Септември и имаше за цел да ја развие соработката помеѓу на релевантните институции (јавни и приватни здравствени организации), локалните власти и невладините организации од регионот кои работат во сферата на здравствената заштита како и да им укаже на нивните вредности. Другите серија работилници ќе се реализираат во период Октомври-до крај на месец Декември 2007, на теми: Можности за граѓанското учество во креирање на политиките од областа на здравството, Истражување, истражувачки техники и методологии на анализа и Градење на стратегии и изработка на акциони планови. Се планира Регионалната стратегија да биде изработена и промовирана до месец Февруари 2008 година .
Проектот опфаќа серија обуки (2 еднодневни работилници, 1 дводневна и 1 тродневна работилница) за претставници на здруженија на граѓани, на локалната власт и здравствени работници, со крајна цел-изработка на локални акциони планови за превентивна здравствена заштита и подготовка и промоција на регионална стратегија за превентивна здравствена заштита.

Даниела Панева
Организација на Жените на Општина Свети Николе

 
 

прва страна | профил | активности | инфо | галерија | контакт
© 2003-2007 Организација на жени - Свети Николе.
Сите права се задржани Webmaster Александар Богатинов