Во периодот од 24 Мај до 5 Јуни 2013 година 6 волонтери од Организација на жените на општина Свети Николе, на покана од Младински центар, Херцег Нови кој е носител на проектот, учествуваа на волонтерски камп во Херцег Нови, Црна Гора. Покрај волонтерите од Свети Николе на волонтерскиот камп учествуваа и по 6 волонтери од Херцег Нови од Црна Гора, Горица од Италија и Ново Место од Словенија. Волонтерите заеднички учествуваа во логистички и организациски активности за подготовка на одржувањето на седмиот меѓународен детски карневал во Херцег Нови. Самиот Меѓународен детски карневал траеше од Петок, 31 Мај па се до Недела, 2 јуни 2013 година. Како завршен дел од карневалот, беше организиран традиционален излет со траект по Которскиот залив.

Оваа година на карневалот земаа учество околу 1000 учесници односно повеќе од 40 карневалски групи од 6 земји учеснички. Најголем дел од учесниците беа од Црна Гора но имаше претставници и од Словенија, Босна и Херцеговина, Русија, Хрватска, Србија и Македонија.

На Седмиот детски меѓународен карневал, од Македонија учествуваа ученици од IV и V одд. од ООУ “Кирил и Методиј" и ООУ ”Гоце Делчев" од Свети Николе.

Организација на жените на општина Свети Николе