Во рамките на Програмата за придружна социјална работа со жртви на трговија со луѓе и високо ризични случаи Здружението на граѓаните за акција против насилство и трговија со луѓе- Отворена Порта Скопје го имплементира проектот ,,Проект за придружна социјална работа на територија на Република Македонија". Организацијата на жените на општина Свети Николе како партнер организација во периододт од август 2012 – јуни 2013 година спроведува проектни активности на територијата на општина Свети Николе. Тим од социјални работници составен од членки на Организацијата работи на овој проект при што има вклучено три лица во програмата за придружна социјална работа, од кои две се полнолетни и еднo малолетнo. Во изминатиот период спроведувани се активности на различни теми и од различни области, почнувајќи од норми на живеење и однесување, мирно разрешување на конфликти во семејството, поддршка и помош во образовниот процес, подобрување на квалитетот на учење, како и подобрување на успехот на училиште.