Организација на жените на Општина Свети Николе започна со компјутерските обуки во рамките на проектот „Бесплатна компјутерска едукација на млади невработени лица од Општина Свети Николе“ кој е финансиски поддржан од Генералниот Секретаријат при Владата на Република Македонија.

Цел на проектот е компјутерска едукација на 120 млади невработени лица на возраст од 18 до 35 години од населените места Ерџелија, Црнилиште, Амзибегово, Горобинци и градот Свети Николе од општина Свети Николе да се стекнат со знаење за работа со Windows, Microsoft Word, Microsoft Excel, Microsoft Power Point и Internet.

По завршувањето на подготвителните активности (подготовка на компјутерскиот кабинет и изработка на прирачник за почетници) и пријавувањето на заинтересираните кандидати за посета на обуката беа формирани:

-Четири групи за Windows и Microsoft Word;

-Четири групи за Microsoft Excel и Microsoft PowerPoint;

-Седум групи за Основи на Интернет;

Обуките ги спроведуваат стручни лица со повеќегодишно искуство во оддржување на вакви обуки - дипл.Електро инжинер Александар Богатинов и дипл. инжинер по математика Билјана Димова со добиен сертификат за напредно познавање на ИКТ.

По завршувањето на обуката на сите учесници ќе им бидат доделени прирачници за почетници и сертификати за успешно посетена обука.

Организација на жените на општина Свети Николе