Канализациона мрежа – Во селото нема канализациона мрежа. Жителите од селото имаат сопствени полски клозети.

Јавен превоз - Во селото особен проблем претставува немањето на организиран јавен превоз до градот. Селаните се приморани да плаќаат такси превоз, но поради големата одалеченост од градот и високите цени, не секогаш се во можност да користат такси услуга, па селаните се приморани сами да се снаоѓаат.

Здравство – Во селото постои објект за давање на здравствени услуги. Проблем претставува што лекарот доаѓа еднаш неделно и со него не доаѓа медицинска сестра и аптекар, а реално постои потреба од истите.

Отпад – Уште еден од поприоритетните проблеми е и немањето на одредено место за депонирање на отпадот од селото.

Патна инфраструктура - Во селото постои река која го дели селото на два дела, но на реката нема соодветен премин за да може селаните непречено да се движат од едниот во другиот дел. Поради тоа приоритет е алтернетивно решение за премин преку реката, пред се поради тоа што единствената селска продавница се наоѓа на едниот дел од селото па останатите жители имаат отежнат пристап до основните продукти за живот. Во селото нема ниту една асфалтирани улици.

Водоводна мрежа – Во ова село постои стара водоводна мрежа, која поради долгиот временски период веќе е оштетена и има потреба од нејзина санација (замена на вентилите).

Проблеми и потреби на младите – Младите од ова село се ограничени со информации од нивен интерес, а тоа пред се се должи на немањето никаква младинска организација, како и на тоа што во селото има многу малку млади.

Проблеми и потреби на жените – Покрај горенаведените проблеми главна потреба на жените од ова село е простор/место за да се собираат и одржуваат состаноци, каде ќе се информираат и разговараат за проблемите во селото и можностите за покренување на барања и иницијативи за нивно надминување. Исто така има потреба и од адаптирање на простор за занимација на децата од селото, каде ќе може децата да се дружат и едуцираат.