македонски

english

профил

активности инфо галерија контакт
 

Зајакнати капацитети - подобро општество

Организација на жените на општина Свети Николе во рамките на проектот “Зајакнати капацитети - подобро општество” финансиски поддржан од Регионалниот центар за здрава животна средина за Централна и Југоисточна Европа во период од Мај - Јули 2009 година реализираше 3 обуки.

На 30 и 31 Мај 2009 година се реализираше обуката за Урбано планирање и искористување на земјиштето. На оваа обука присуствува 25 членки/ови на Организацијата кои се здобија со знаења за поимот шуми и видови, состојби со шумите и животната средина во Општина Свети Николе и Република Македонија, како и пошироко,шумите и влијанието врз животната средина , посебните видови на емисии и процеси од шумските активности и како тие влијаат врз здравјето на луѓето,која правна рамка ја регулира оваа област. Присутните беа запознати и со општите состојби со животната средина и негативните влијанија од човековите активности, се стекнаа со практични информации и совети како да постапуват со шумите - примарните и секундарните шумски производи.

За време на дводневната обука покрај усно пренесените информации, беа прикажани филмски проекции на тема полезаштитни појаси и учесниците добија печатени материјали и сертификати.

На 27 и 28 Јуни 2009 година се реализираше обуката за Сексуално здравје.

На неа присуствуваа 25 членки/ови на Организацијата кои се здобија со знаења за сексуално и репродуктивно здравје,сексуално насилство, полово преносливи болести и возраст за започнување на сексуален живот.

На 11 и 12 Јули 2009 година се реализираше обуката за Репродуктивно здравје. Членките/ови на Организацијата се здобија со знаења за бременост,породување, абортус, доење и лактација,здрава исхрана и совети за правилна исхрана, хормонски пореметувања и менструални болки.

Обуките за сексуално и репродуктивно здравје беа спроведени од страна на докторка, членовите добија печатен материјал и сертификат за учество на истите.

Членки/ови на Организација на жените на општина Свети Николе стекнатите знаења од овие обуки во иднина ќе ги пренесат на општата популација во Свети Николе и пошироко.

 
     
 
     

 

Фросина Мишева
Организација на жените на општина Свети Николе

 
 

прва страна | профил | активности | инфо | галерија | контакт
© 2003-2009 Организација на жените - Свети Николе.
Сите права се задржани Webmaster Александар Богатинов