Организација на жените на општина Свети Николе од 15 Март до 15 Јули 2009 година го реализираше проектот “Внимавај на твоите дела, тие стануваат навика” финансиски поддржан од Коалиција СЕГА и Локалната Самоуправа Свети Николе.

Целта на проектот е придонес кон зголемување на свеста кај младите за последиците од дрога, алкохол и цигари.

Оваа цел ќе се постигне преку предвидените активности во проектот:

• Спроведување на две обуки за пеер едукатори од 7 и 8 одделение од трите основни училишта и I, II, III и IV година од средното училиште во општина Свети Николе.

• Пренесување на стекнатите знаења од пеер едукаторите на нивните соученици.

• Изработка, печатење и дистрибуција на информативни флаери

• Лобирање кај директорите во училиштата и соработник за образование, култура и спорт при Локална Самоуправа Свети Николе за воспоставување на редовна годишна тренинг програма за информирање на учениците за последиците од користење на дрога, алкохол и цигари во трите основни и средното училиште во општина Свети Николе

- На 11, 12 и 23 април беа спроведени две обуки за пеер едукатори на кои учениците/пеер едукаторите беа едуцирани за последиците од користење на дрога, алкохол и цигари од страна на едукаторка - докторка и исто така беа едуцирани за комуникациски вештини кои им се потребни за предавањата наменети за своите соученици.

- Од 27 Април до 18 Мај пеер едукаторите предаваа на своите соученици во училиштата последователно на три одделенски односно класни часа предаваа на овие теми. Исто така секој ученик доби и по еден информативен флаер за последиците од користење на дрога, алкохол и цигари.

На 03 Јули се одржа тркалезна маса на која присуствуваа директорите на ОУ „Кирил и Методиј“, на ОУ „Даме Груев“ – Ерџелија, психологот на СОУ „Кочо Рацин“, Соработникот за образование, култура и спорт при Локална Самоуправа Свети Николе, Градоначалникот на општина Свети Николе, Инспектор за превенција, Самостоен инспектор за превенција, Инспектор за сообраќај и Директорката и стручниот тим од Центарот за социјални работи . На Тркалезната маса се направи преглед на моменталната состојба во градот за користењето на дрога, алкохол и цигари и се презентира идејата за воведување на редовни проектни активности секоја учебна година за информирање на учениците за последиците од користење на дрога, алкохол и цигари во основните и средни училишта во Свети Николе. Се разговараше оваа активност да се реализира преку обука за пеер едукатори која ќе започне во 7 одделение со што во наредните учебни години – 8 одделение и I, II, III и IV година ќе се спроведуваат напредни обуки за дополнување на информациите за овие теми кои пеер едукаторите би ги пренесувале преку различни иновативни пристапи на своите соученици.